Elimizde osy uran aıasynda uıymdastyrylatyn jalpyulttyq halyq sanaǵy 2021 jyldyń 1 qyrkúıegi men 30 qazany aralyǵynda ótedi.
Sanaqty ótkizý prosesin avtomattandyrý jáne oǵan zamanaýı sandyq tehnologıalardy engizý – 2021 jylǵy Ulttyq sanaqtyń basty jańalyǵy.
Bıyl azamattarǵa saýalnama paraqtaryn onlaın-rejımde óz betinshe toltyrý nemese úı-úıdi aralaý kezinde oflaın toltyrý múmkindikteri usynylýda. 1 qyrkúıekten bastap sanaq. gov.kz arnaıy saıty jumysyn bastaıdy. Munda qazaqstandyqtar 15 qazanǵa deıin onlaın rejıminde sanaqqa qatysty barlyq suraqtarǵa jaýap bere alady.
Dástúrli jalpy aralaý 1–30 qazan aralyǵynda júrgiziledi jáne ol belgilengen merzim ishinde sanaqtan onlaınrejımde ótpegen respondentter arasynda júrgiziletin bolady. Bul kezeńniń jańashyldyǵy – ıntervúerlerdiń úı aralaý kezinde elektrondy planshetterdi paıdalanýy bolmaq. Bul sanaq júrgizetin qyzmetkerlerdiń eńbek shyǵynyn tómendetýge, málimetter sapasyna adam faktorynyń yqpalyn azaıtýǵa, JSN-in engize otyryp, sanaq málimetteriniń naqtylyq deńgeıin arttyrýǵa, qaǵaz ben keńselik quraldardy aıtarlyqtaı únemdeýg e, sondaı-aq, ıntervúerler úshin qolaılylyq pen olardyń jınaqylyǵyn arttyrýǵa múmkindik beredi.
Sanaq kezinde málimetter jınaý úshin sáıkestendirgish aqparat retinde saýalnamaǵa qatysýshynyń JSN-i qoldanylady. Bul aqparattyń qaıtalanýyn boldyrmaýǵa múmkindik beredi.
QALALYQTAR QAPERİNE
Qazaqstan Respýblıkasy Strategıalyq josparlaý jáne reformalar agenttigi Ulttyq statısıka búrosynyń Almaty qalasy boıynsha departamenti habarlaıdy: Málimetter tikeleı jalpy aqparattar bazasyna jiberiledi. Málimetterdiń qupıalylyǵy zańnamamen kepildendiriledi.
Intervúerde, ıaǵnı suhbatshyda:
- mórmen rastalǵan tıisti kýálik;
- aralaıtyn nysandardyń tizimi bar mobıldi qosymshaly planshet;
- Ulttyq halyq sanaǵynyń sımvolıkasy bar kók tústi sharf pen portfel bolady.
Suhbatshy týraly qosymsha aqparatty sanaq.gov.kz saıtynan qaraýǵa bolady. Onda suhbatshynyń tegi, aty, ákesiniń aty jáne onyń kýáliginiń nómiri kórsetilgen tizim respýblıka boıynsha ornalastyrylǵan.
Sonymen qatar, mobıldi jáne stasıonar telefondary úshin biryńǵaı nómiri 1446 jáne 8 8000 800 878 call-ortalyǵyna qońyraý shalý arqyly aqparat alýǵa bolady.
«AQSHAM-AQPARAT»