Eldegi epıdemıologıalyq jaǵdaıdyń nasharlaýy karantın talaptaryn qataıtýǵa sebep bolyp tur.
Búgin QR Premer-Mınıstriniń orynbasary Eraly Toǵjanovtyń tóraǵalyǵymen QR aýmaǵynda koronavırýs ınfeksıasynyń taralýyna jol bermeý jónindegi vedomstvoaralyq komısıanyń otyrysynda «qyzyl aımaqtaǵy» óńirlerde karantındik shekteýlerdi kúsheıtý boıynsha sharalar qabyldady, dep habarlaıdy Almaty-akshamy.kz Rrimeminister.kz saıtyna silteme jasap.
Atalǵan saıtta jarıalanǵan shekteý sharalary tómendegideı mátinmen berilgen.
Toqtatylsyn:
Ashyq jobasyna qatysatyn obektilerdi qospaǵanda, qalaaralyq, oblysishilik, qalalyq turaqty jáne turaqty emes (týrısik) avtobýs jáne shaǵyn avtobýs tasymaldary;
jabyq jaǵajaılar men akvaparktardyń qyzmeti.
Demalys jáne mereke kúnderi jumysyna tyıym salynsyn:
qoǵamdyq kóliktiń;
Ashyq jobasyna qatysýshylaryn qospaǵanda, qoǵamdyq tamaqtaný obektileriniń;
Ashyq jobasyna qatysatyndaryn qospaǵanda, fıtnes ortalyqtardyń, fıtnes klýbtardyń, ıoga ortalyqtarynyń, sporttyq-saýyqtyrý obektileriniń, saýnalardyń, SPA-ortalyqtardyń, baseınderdiń;
Ashyq jobasyna qatysatyndaryn qospaǵanda, kınoteatrlardyń, teatrlardyń, konsert zaldarynyń, fılarmonıalardyń, kompúterlik klýbtardyń, boýlıńterdiń, bılárdtardyń, karaokelerdiń, kórmelerdiń;
Ashyq jobasyna qatysýshylardy, ashyq bazarlardy, jármeńkelerdi qospaǵanda, aýdany 2000 m2 deıingi azyq-túlik emes taýarlardy ótkizý obektileriniń;
Ashyq jobasyna qatysatyndaryn qospaǵanda, sport obektileriniń (sport keshenderi, sport mektepteri, sport klýbtary, jattyǵý zaldary); bilim berý ortalyqtarynyń, balalar men eresekterge arnalǵan úıirmelerdiń, balalardy damytý ortalyqtarynyń;
Ashyq jobasyna qatysatyndaryn qospaǵanda, fýdkorttardyń.
Jumys kúnderi jumysy shektelsin:
saǵat 20.00-ge deıin Ashyq jobasyna qatysatyn fıtnes-ortalyqtardyń, fıtnes-klýbtardyń, ıoga-ortalyqtardyń, sporttyq-saýyqtyrý obektileriniń, saýnalardyń, SPA-ortalyqtardyń, sport obektileriniń, baseınderdiń;
saǵat 18.00-ge deıin Ashyq jobasyna qatysýyna qaramastan, OSO, saýda úıleriniń, saýda jelileriniń;
Ashyq júıesine qatysatyn qoǵamdyq tamaqtaný nysandarynyń, fýdkorttardyń jumysy – saǵat 20.00-ge deıin, Ashyq júıesine qatyspaıtyndardyń jumysy – saǵat 18.00-ge deıin.
Otyrys sońynda vıse-premer memlekettik organdar men óńir ákimderine túsindirý jumystaryn kúsheıtýdi, sondaı-aq halyqty koronavırýsqa qarsy vaksınalaýmen qamtýdy arttyrýdy tapsyrdy.