Túsken qarjy aqyly joldardy kútip ustaýǵa baǵyttalady.
Ótken jyly memleket búdjeti aqyly avtojoldan túsken 8,1 mlrd teńgemen tolyqty, dep habarlaıdy Almaty-akshamy.kz Indýstrıa jáne ınfraqurylymdyq damý mınıstrliginiń baspasóz qyzmetine silteme jasap.
Mamandardyń aıtýynsha, jalpy uzyndyǵy 682 shaqyrym bolatyn tórt aqyly jol: «Nur-Sultan – Temirtaý», «Nur-Sultan – Shýchınsk», «Almaty – Qapshaǵaı» jáne «Almaty – Qorǵas» respýblıkalyq jol ýchaskelerinen 6,9 mlrd teńge túsken.
Sonymen qatar, elimizde ótken jyldyń 23 qarashasynan bastap taǵy 7 aqyly ýchaske jumys isteı bastady. Olar: «Taraz – Qaınar», «Shymkent – Qyzylorda», «Shymkent – Taraz», «Shymkent – Ózbekstan shekarasy», «Taldyqorǵan – Qapshaǵaı», «Kókshetaý – Shýchınsk», «Nur-Sultan – Pavlodar» avtojoldary. Bul ýchaskelerde bir aıdan sál astam ýaqyt ishinde 1,2 mlrd teńgeni tústi.
«Jınalǵan qarajat aqyly joldardy kútip ustaýǵa jáne baǵdarlamalyq-apparattyq keshenin qoldaýǵa baǵyttaldy», - delingen Indýstrıa jáne ınfraqurylymdyq damý mınıstrliginiń baspasóz qyzmetiniń habarlamasynda.