AQSH-ta maska taǵý rejımin jeńildetý sheshimi daý týdyra bastady, dep habarlaıdy Almaty-akshamy.kz
Jýyrda qurama shtattyń birneshe óńirinde balalarǵa mektepterde betperdesiz júrýge múmkindik berilgen edi. Olardyń qatarynda Nú-Djersı, Delaver, Kalıfornıa, Oregona men Konnektıkýt shtattary bar. Jaqynda bul tizimge Nú-Iork te qosyldy.
Osyǵan oraı qoǵamnyń pikiri ekige bólindi. Biri "sanıtarlyq talaptar saqtalsa, sabaqta maskasyz júrýge bolady" dese, ózgesi "bul sheshim epıdemıologıalyq ahýaldyń ýshyǵýyna ákep soǵady" dep dabyl qaǵady.
Bul pikirdi eldiń aýrýlardy baqylaý jáne aldyn alý ortalyǵynyń basshysy Roshel Valenskı men Aq úı ókilderi quptap otyr. Olardyń aıtýynsha, vırýstyń "omıkron" túrimen eresektermen qatar balalar da jıi aýyryp jatyr.
– Halyqtyń pandemıadan ábden sharshaǵanyn bilemiz. Árıne, únemi betperdemen júrý ońaı emes. Alaıda elimizde aýrýdy juqtyrý deregine súıensek, jabyq ǵımarattardyń ishinde maskasyz júrý múmkin emes ekenin túsiný kerek. Sondyqtan bul máselege qatysty qandaı da bir jeńildikterdi engizý áli de erte. Ásirese, mektepterdegi epıdahýaldy ýshyqtyrmaǵanymyz jón, - deıdi Aq úıdiń baspasóz hatshysy Djen Psakı.