Almaty turǵyndary altyndy negizgi tutynýshylar qatarynda
Qyrkúıek aıynyń ózinde ekinshi deńgeıli bankter men aıyrbastaý pýnkteri arqyly 108 kılogramnan astam ólsheýish quımasy satyldy. Al jyl basynan beri qazaqstandyqtar qymbat metaldyń 823 kelisin nemese 23 myń danasyn satyp alǵan, dep habarlaıdy Almaty-akshamy.kz
Osylaısha bıylǵy satylym 2019-2020 jyldardaǵy kórsetkishterge qaraǵanda 45% artyq. Aqshamen eseptesek, satylǵan altynnyń kólemi shamamen 47 mln dollardy quraıdy.
Negizgi satyp alýshylar – Almaty, Nur-Sultan jáne Atyraý turǵyndary. Sarapshylardyń pikirinshe, suranystyń bulaı ósýi halyqtyń belgili bir bóliginde qolda bar kiristerdiń aıtarlyqtaı ósýine baılanysty. Sondaı-aq zeınetaqy da artyq paıdalanylýy múmkin. Mundaı satyp alý adamdardy ınvestısıalaý quraly retinde qyzyqtyrady. Bul rette naryqtaǵy altynnyń turaqty túrde qymbattap jatqanyn aıta ketken jón.