Jeńisten keıingi pikir
Short-trekten Beıjińde ótken álem kýboginiń alǵashqy kezeńinde qazaqstandyq Denıs Nıkısha qola júldeger atanǵan bolatyn. Olympic.kz saıtyna shaǵyn suhbat bergen sportshy óz jetistigin ortaq jeńiske balady, dep habarlaıdy Almaty-akshamy.kz
"500 metrge júgirýden qola júldeger atandym. Olımpıadaǵa joldama beretin lısenzıalyq jarysta júldeli oryn alý - úlken jetistik.
Bul - meniń ǵana emes, búkil komandanyń ortaq jeńisi. Kelesi kýboktik jarystarda da barymyzdy salamyz.
Bizge qoldaý kórsetip jatqan basshylyqqa, bapkerlerge, Ulttyq Olımpıada komıtetine kóp rahmet. Alǵa, Qazaqstan!" - dedi Denıs.
Aıta ketelik, short-trekten álem kýboginiń ekinshi kezeńi Japonıanyń Nagoıa qalasynda 28 qazan kúni bastalady.