Qurylymdyq bolattyń negizgi parametrleri 1993 jylǵy Eýrokod pen ulttyq qosymshalardyń talaptaryna sáıkes keledi
«QazQSǴZI» AQ ǵalymdary bolattyń beriktigi men deformasıalyq sıpattamalarynyń Eýrokod 1993 talaptaryna sáıkestigin anyqtaý boıynsha qurylymdyq bolatty zertteýdi aıaqtady. Bul zertteýler Qazaqstanda alǵash ret júrgizildi.
Zertteý barysynda mamandar elimizde jáne Reseıdiń eki zaýytynda óndirilgen ártúrli qalyńdyqtaǵy qurylymdyq bolattyń jeti túrine taldaý jasady. Zertteý barysynda qurylymdyq bolattyń negizgi parametrleri 1993 jylǵy Eýrokod pen ulttyq qosymshalardyń talaptaryna sáıkes keletini anyqtaldy, dep habarlaıdy Almaty-akshamy.kz.
Ónerkásip jáne qurylys mınıstrliginiń málimetinshe, qattylyqty synaý úshin qurylymdyq bolattyń 216 úlgisi daıyndaldy. Synaqtar QR ST jáne EN ST ádistemesine sáıkes +20, -20, -40 gradýs temperatýrada júrgizildi. Sonymen qatar, zertteý barysynda dánekerlengen qosylystardyń 35 úlgisiniń qattylyq sıpattamalary alyndy. Dánekerlengen qosylystardy synaý kezinde negizgi metalda úzilister boldy.
Sonymen qatar, burandaly qosylystardyń eki túrin sozý synaǵy, burandaly qosylystardyń eń shetki qataryn joıý sqemalary. oryndaldy. Zertteý nátıjesi boıynsha jalpy qorytyndy – Qazaqstan Respýblıkasy óndirisiniń qurylymdyq bolaty úshin Eýrokod 1993 talaptary oryndalady.
Jumystyń negizgi nátıjeleri otandyq konstrýksıalyq bolatty paıdalana otyryp, Qazaqstan Respýblıkasynyń qalypty jáne seısmıkalyq aýdandarynda bolat konstrýksıalaryn jobalaýǵa múmkindik beredi. Bul eýropalyq Bolattyń ımportyn alyp tastaý nemese azaıtý arqyly qurylys nysandarynyń qunyn tómendetedi degen boljam bar.
Aıta ketý kerek, bolattyń maqsatty tutynýshylary men paıdalanýshylary – bolat konstrýksıalaryn jobalaý máselelerimen, sondaı-aq jer silkinisine tózimdi qurylys máselelerimen aınalysatyn ǵylymı jáne ınjenerlik-tehnıkalyq qyzmetkerler.
Ótkizilgen synaq qorytyndysy boıynsha normatıvtik qujattarǵa qajetti ózgerister men tolyqtyrýlar engizý josparlanýda.
Anyqtama: qurylysta bolat konstrýksıalardy, armatýralardy, temirbeton konstrýksıalaryn, shatyr jabyndaryn, tirekterdi, qorshaýlardy, temirbeton buıymdarynyń nysandaryn jáne t. b. jasaý úshin qoldanylady.