Álem úzdikteri Býrabaıǵa jınaldy.
Jastar men jasóspirimder arasyndaǵy jarysqa 41 elden 800-den asa sportshy qatysady. Kúni keshe Aqmola oblysyndaǵy shańǵy-bıatlon bazasynda dúnıejúzilik dodanyń ashylý saltanaty ótti. Al qazir sportshylar jarys aldyndaǵy sońǵy daıyndyqty pysyqtap jatyr. Negizgi básekelerdiń ózi erteń bastalady, dep habarlaıdy Almaty-akshamy.kz 24.kz-ke silteme jasap.
Aıtýly alamanda el namysyn 20 bıatlonshy qorǵaýǵa múmkindik aldy. Aldaǵy ýaqytta osyndaı formattaǵy jarystardy Qazaqstannyń basqa aımaqtarynda da ótkizý josparlanyp otyr. Bul jóninde Mádenıet jáne sport mınıstri Asqat Oralov halyqaralyq bıatlonshylar odaǵynyń prezıdenti Olle Dalınmen kezdesý barysynda málimdedi. Taraptar qysqy sport túriniń ınfraqurylymyn qaslyptastyrý men ony keshendi damytýdyń negizgi tetikterin talqylady.
«Biz Jetisý oblysynda shańǵy-bıatlon kesheniniń qurylysyn bastaǵymyz keledi. Bul elimizdiń ońtústik aımaǵy jáne qary kóp emes. Osy turǵyda Olle Dalın myrza halyqaralyq bıatlonshylar odaǵynyń tarapynan óz aqyl-keńesin berse deımiz. Iaǵnı, baza barlyq talapqa saı bolyp, osyndaı álemdik almandardy qabyldaǵanyn qalaımyz», - deıdi Mádenıet jáne sport mınıstri Asqat Oralov.