Batys pen soltústikte jel kúsheıip, jańbyr jaýady.
«Qazgıdromet» mamandary 2-4 sáýir kúnderi aralyǵynda aýa raıy qandaı bolatynyn boljady, dep habarlaıdy Almaty-akshamy.kz.
«Aldaǵy demalys kúnderi batystan kezekti Atlantıka sıklony yǵysyp, jaýyn-shashyn ákeledi. Elimizdiń batysynda jáne soltústiginde jel kúsheıip, jańbyr jaýady. Respýblıkanyń basqa bóliginde qysymnyń joǵary bolýyna baılanysty jaýyn-shashyn bolmaıdy.
Irannan jyljyp keletin jyly aýa massalarymen Qazaqstannyń barlyq aýmaǵynda aýa temperatýrasy kóteriledi: batysta +15+23 gradýsqa deıin, soltústikte, ortalyqta jáne shyǵysta +8+18 gradýsqa deıin, respýblıkanyń ońtústiginde +17+25 gradýsqa deıin jyly bolady», - delingen sınoptıkter habarlamasynda.