Jaýaptylyqty qatańdatý kózdelip otyr.
29 jeltoqsan kúni Senattyń jalpy otyrysynda «QR Qylmystyq jáne Qylmystyq-prosestik kodeksterine ekologıalyq quqyq buzýshylyqtar jáne vandalızm kórinisteri úshin jaýaptylyqty kúsheıtý máseleleri boıynsha ózgerister men tolyqtyrýlar engizý týraly» zańy men ilespe qujat eki oqylymda qaralyp, qabyldandy, dep habarlaıdy Almaty-akshamy.kz QazAqparatqa silteme jasap.
Zań jobalary aıasynda ulttyq parkterdi jáne basqa da tabıǵı baılyqtardy qorǵaý maqsatynda tıisti ózgerister men tolyqtyrýlar engiziledi.
Senattyń Agrarlyq máseleler, tabıǵatty paıdalaný jáne aýyldyq aýmaqtardy damytý komıtetiniń málimetinshe, bul qujat QR Prezıdentiniń 2020 jylǵy 14 qyrkúıektegi Jarlyǵymen bekitilgen Quqyq buzýshylardy ákimshilik jáne qylmystyq qýdalaýdy kúsheıte otyryp, Qazaqstannyń tabıǵı baılyǵyn qorǵaýdy kózdeıtin quqyqtyq sharalardy daıyndaý jónindegi jalpyulttyq is-sharalar josparyn iske asyrý maqsatynda ázirlendi.
Zań aıasynda Qazaqstannyń ulttyq saıabaqtaryn jáne basqa da tabıǵı baılyǵyn ekologıalyq zalaldardan: jerdi búldirýden, aǵashtardy zańsyz kesýden, erekshe qorǵalatyn tabıǵı aýmaqtardy paıdalaný rejımin buzýdan, jer qoınaýyn óz betinshe paıdalanýdan jáne qorshaǵan ortaǵa qoǵamdyq qaýip tóndiretin ózge de is-áreketterden qorǵaıtyn quqyqtyq normalar belgilenedi.
Ekologıalyq zalal úshin jaýaptylyqty kúsheıtý maqsatynda Qylmystyq jáne Qylmystyq-prosestik kodeksterde aǵashtar men butalardy zańsyz keskeni, joıǵany nemese zaqymdaǵany, jer qoınaýyn óz betinshe paıdalanǵany ári basqa da quqyqqa qarsy áreketter úshin jaýaptylyq deńgeıi artty. Sondaı-aq vandalızm kórinisteri, qoǵamdyq jáne jeke múlikti búldirgeni úshin jaýaptylyqty qatańdatý kózdelgen.