100 shaqty bala merekelik syılyqtarǵa ıe boldy.
Prezıdenttiń tapsyrmasyna sáıkes balalardy Jańa jylmen quttyqtaýǵa erekshe kóńil bólindi. Bıyl Almatyda dástúrli túrde mektepterde, áleýmettik ortalyqtarda, balalarǵa beıimdeý jáne kómek kórsetý ortalyqtarynda balalarǵa arnalǵan shyrshalar, sondaı-aq HÁOT sanatyndaǵy balalar men múmkindigi shekteýli balalarǵa arnalǵan shyrshalar ótkizildi, - dep habarlaıdy Almaty-akshamy.kz
Almatynyń Túrksib aýdanynda 29 jeltoqsan kúni kópbalaly jáne az qamtylǵan otbasylardyń balalaryna jańajyldyq syılyqtar taratyldy, Jańa jyldyq shara Túrksib aýdanynyń «Baqytty otbasy» áleýmettik ortalyǵynda ótti. Jaǵdaıy tómen otbasylar men kópbalaly otbasynan shyqqan balalar jáne múgedektigi bar 100 shaqty bala merekelik syılyqtarǵa ıe boldy. Syılyqtardy Almaty qalasy Máslıhatynyń depýtaty Shýhrad Shardınov tapsyrdy.
Depýtattyń aıtýynsha, Túrksib aýdanynda áleýmettik qoldaýdy qajet etetin bes myńnan astam otbasy tirkelgen. Máslıhat depýtattary «Baqytty otbasy» ortalyqtarymen turaqty túrde yntymaqtastyqqa jumys istep, árdaıym qoldaý bildirip otyrady. Jańa jyl qarsańynda halyqtyń áleýmettik osal toptarynan shyqqan balalarǵa jańa jyldyq syılyqtar úlestirý dástúri bes jyldan beri jalǵasyp keledi. Mundaı ıgi dástúr balalarǵa jańa jyldyq kóńil kúı syılaıdy.