BUU qazaqstandyq balalardyń tamaqtanýynda qandaı máseleler bar ekenin aıtty, dep habarlaıdy aqshamnews.kz
Balalyq shaqtaǵy durys tamaqtanbaý densaýlyqqa uzaq merzimdi áser etedi. Qazaqstandaǵy jaǵdaı qanshalyqty kúrdeli ekeni jáne qandaı sharalar qabyldanyp jatqany týraly BUU Balalar qorynyń (IýNISEF) densaýlyq saqtaý jáne tamaqtaný baǵdarlamalarynyń úılestirýshisi Baýyrjan Júsipov aıtyp berdi.
Noks.kz dereginshe, IýNISEF-tiń qoldaýymen Ulttyq statısıka búrosy júrgizgen zertteý 20 myń otbasyny qamtyǵan. Onyń nátıjesine sáıkes, elde 5 pen 9 jas aralyǵyndaǵy balalardyń 23%-y artyq salmaqqa ıe.
Sonymen qatar 6%-y semizdikke shaldyqqan. Bul, ásirese, ul balalar arasynda jıi kezdesedi. Jaǵdaıdy ózgertý maqsatynda 1 qyrkúıekten bastap Qazaqstanda mektepter men densaýlyq saqtaý mekemelerinde jańa tamaqtaný standarty engiziledi. IýNISEF bul standartty tıisti mınıstrliktermen birlese otyryp ázirlegen.
Elimizde shamamen 1,7 mıllıon bala tegin ystyq tamaqpen qamtylǵan. Endi jańa standarttarǵa saı bul taǵamdar dárýmender men mıkroelementterge baı bolýy tıis.
Bul ereje balalardyń tolyqqandy damýyna qajet turaqty jáne salaýatty ádetterdi qalyptastyrýǵa baǵyttalǵan.