Jóndeý jumystary keshendi baǵdarlama sheńberinde júrgizilip jatyr.
Jol jóndeý jumystarymen shuǵyldanatyn qazaqstandyq mamandar jyl basynan beri jasaǵan jumysy jaıynda aıtty, dep habarlaıdy Almaty-akshamy.kz.
«Jóndeý jumystary jol qaýipsizdigin qamtamasyz etý jáne jol tósemin odan ármen buzylýdan saqtaý maqsatyndaǵy keshendi baǵdarlama sheńberinde júrgizilýde», - delingen Indýstrıa jáne ınfraqurylymdyq damý mınıstrliginiń baspasóz qyzmetiniń habarlamasynda.
Avtokólik jolynyń tegistigi jaılylyqty saqtaý úshin ǵana emes, sondaı-aq jol qozǵalysy kezindegi qaýipsizdikti qamtamasyz etýde de óte mańyzdy. Joldaǵy qozǵalys jıiliginiń artýyna baılanysty jol tósemderinde túrli aqaýlar paıda bolýda. Óz kezeginde oı-shuńqyrlardy tez arada jóndeý qajet ekendigi belgili. Búginde jol jamylǵysyn qalpyna keltirýdiń eń kóp taraǵan túri ári tıimdi ádisi – shuńqyrlardy tegisteý.
Bıylǵy jyly «Qazavtojol» JSHS respýblıkalyq mańyzy bar joldardaǵy 257 992 sharshy metr shuńqyrdy jóndegen. Budan bólek, 92,8 myń sharshy metr túrli aqaýlar qalpyna keltirilip, 672 myń sharshy metr aýmaqtaǵy jaryqshaqtardy biteý jumystary júrgizilgen.