Karantın jeńildeıdi
QR Densaýlyq saqtaý mınıstri Aleseı Soı Úkimet otyrysynda 20 qazannan bastap Qazaqstanda karantın sharalary jeńildeıtinin aıtty, dep habarlaıdy Almaty-akshamy.kz
«Epıdemıologıalyq jaǵdaıdyń turaqtanýyn, sondaı-aq vedomstvoaralyq komısıanyń vaksınasıaǵa jatatyn kontıngenttiń 70%-dan astamyn ekpemen qamtyǵanyn eskere otyryp, 2021 jylǵy 20 qazannan bastap mynadaı sharalarǵa ruqsat berý týraly sheshim qabyldandy: Kelýshiler COVID-19-ǵa qarsy vaksınasıalaýdyń tolyq kýrsyn alǵany týraly qujatty nemese PTR anyqtamasyn usynǵan kezde qarttar men múgedekter úıi, balalar úıi sıaqty medısınalyq-áleýmettik obektilerdiń pasıentterine barýǵa ruqsat beriledi», - dedi vedomstvo basshysy.
Sondaı-aq, ol túngi klýbtardyń qyzmeti tek «jasyl» mártebesi bar adamdarǵa arnalatynyn eskertti.
«Olardyń tolymdylyǵy 50%-ǵa deıin, biraq «jasyl aımaqta» 100 adamnan, «sary aımaqta» 70 adamnan, «qyzyl aımaqta» 50 adamnan artyq bolmaýy shart. Ashyq jobasyna qatysatyn bıznes obektileriniń jumys ýaqyty «jasyl aımaqta» saǵat 03-00-ge deıin, Ashyq jobasynyń kóshbasshylary - saǵat 05-00-ge deıin, «sary aımaqta» saǵat 01-00-ge deıin, Ashyq jobasynyń kóshbasshylary - saǵat 03-00-ge deıin uzartylady», - dedi mınıstr.