Qazaqstanda SHJK paıdalanatyn 1 751 jumys berýshi bar.
2022 jylǵy 1 qazandaǵy jaǵdaı boıynsha, jergilikti atqarýshy organdardyń ruqsatymen Qazaqstan aýmaǵynda 15 434 shetel azamaty eńbek etedi, dep habarlaıdy Almaty-akshamy.kz.
"Sheteldik jumys kúshin tartýǵa ruqsattardyń arasynda mynadaı sanattar bar: basshylar men olardyń orynbasarlary úshin 586 ruqsat (birinshi sanat), qurylymdyq bólimshelerdiń basshylary úshin 3 076 ruqsat (ekinshi sanat). Tartylǵan SHJK negizgi bóligi úshinshi (mamandar) jáne tórtinshi (bilikti jumysshylar) sanattarǵa jatady – tıisinshe olar 7 910 jáne 891 adam. Sondaı-aq maýsymdyq jumystarǵa 1 380 adam, al korporatıvtik aýystyrý aıasynda 1 591 adam tartyldy", - delingen Eńbekmıni baspasóz qyzmetiniń habarlamasynda.
Qazirgi ýaqytta Qazaqstanda SHJK paıdalanatyn 1 751 jumys berýshi bar. Olarda 399 myńnan astam Qazaqstan azamaty jumys isteıdi, bul qyzmetkerlerdiń jalpy sanynyń 96%-y.
Ekonomıkalyq qyzmet túrleri boıynsha eń kóp jumys isteıtinder qurylys salasynda – 6 137 adam (40%); taý-ken ónerkásibi jáne karerlerdi qazý – 1 515 adam (10%); aýyl, orman jáne balyq sharýashylyǵy – 1 211 adam (8%); kásibı, ǵylymı jáne tehnıkalyq qyzmet – 1 143 adam (8% ); óńdeý ónerkásibi – 1 071 adam (7%).
Eńbek mıgranttary keletin negizgi elder: Qytaı – 3 539 adam, Úndistan – 1 801 adam, Túrkıa – 1 707 adam, Ózbekstan – 1 487 adam, Ulybrıtanıa – 1 125 adam.
İshki eńbek naryǵyn qorǵaý maqsatynda QR Eńbek jáne halyqty áleýmettik qorǵaý mınıstrligi jyl saıyn respýblıkaǵa shetel mamandaryn tartýǵa kvota belgileıdi jáne bóledi. Osy jyldyń qańtar aıynda Eńbekmıni SHJK tartýǵa arnalǵan kvotany buryn josparlanǵan 28 352 birlikten 21 097 birlikke deıin, ıaǵnı 7 255 birlikke (25%) qysqartty.