14,8 mln tonna astyq jınaldy.
Qazaqstan sharýalary 15,4 mln gektar jerdegi dándi jáne dándi-burshaqty daqyldy oryp aldy, dep habarlaıdy Almaty-akshamy.kz.
«616,7 myń tonna maıly daqyl, 2,9 mln tonna kartop, 4,1 mln tonna kókónis, 2,6 mln tonna baqsha daqyldary jınaldy. Astyq egetin negizgi aımaqtar – Aqmola, Qostanaı jáne Soltústik Qazaqstan oblystarynda 11,5 mln gektar egis alqaby oryldy. Bul jınalýy tıis jaly alańnyń 98,9%-y. Ortasha ónimdilik gektaryna 8,8 sentnerden aınalyp, 10,0 mln tonna astyq jınaldy», – delingen Aýyl sharýashylyǵy mınıstrliginiń baspasóz qyzmetiniń habarlamasynda.
Naqtylanǵan derek boıynsha, respýblıkada syıymdylyǵy 29,3 mln tonna astyqty saqtaıtyn múmkindik bar. Onyń ishinde astyq qabyldaý kásiporyndarynda 12,4 mln tonna, fermerlerde 16,9 mln tonna astyq saqtaıtyn oryn bar.
2021 jylǵy egin jınaý naýqany aıaqtalýǵa jaqyn jáne qarqyny byltyrǵydan joǵary. Jıyn-terim jumystaryna qatysty barlyq másele mınıstrliktiń baqylaýynda.