Temeki shegetinderdiń ortasha jasy – 17-18 jas.
Úkimet otyrysynda Densaýlyq saqtaý mınıstri Ajar Ǵınıat temekige, onyń ishinde elektrondy temekige suranys artqanyn aıtty, dep habarlaıdy Almaty-akshamy.kz Aikyn.kz silteme jasap.
Mınıstrdiń aıtýynsha, Qazaqstanda 15 jastan asqandar arasynda 21,5%-y temeki shegedi. Onyń ishinde, 38%-dan astamy – er adamdar bolsa, al 6,4%-y – áıelder.
«Temeki shegetinderdiń ortasha jasy – 17-18 jas. Mektep oqýshylarynyń minez-qulqyn zertteı kele, 15 jasta er balalardyń 10%-y, qyzdardyń 6%-y temeki shegetini belgili boldy. Jasóspirimder arasynda elektrondy temekini paıdalanatyndardyń sany kóbeıgen. Máselen, 15 jasta uldardyń 14%-y, al qyzdardyń 6%-y elektrondy temeki shegedi», – dedi Densaýlyq saqtaý mınıstri.