Jyl sońyna deıin 1 myń shaqyrym jol ashylady.
Avtojol salasyndaǵy iske asyrylyp jatqan jobalar týraly Májiliste ótken Úkimet saǵatynda Indýstrıa jáne ınfraqurylymdyq damý mınıstri Qaıyrbek Óskenbaev aıtyp berdi, dep habarlaıdy Almaty-akshamy.kz.
«Elimizdegi avtomobıl joldarynyń jalpy uzyndyǵy 96 myń shaqyrymdy quraıdy. Sonyń ishinde 25 myń shaqyrymy – respýblıkalyq mańyzy bar joldar bolsa, 21 myń shaqyrymy – oblystyq jáne aýdandyq mańyzy bar joldar. Memleket basshysynyń tapsyrmasyna sáıkes, alǵa qoıǵan maqsattardyń biri – 2025 jyly respýblıkalyq jeli boıynsha normatıvtik jaǵdaıdaǵy joldardyń úlesin 100%-ǵa deıin, al jergilikti jol jelileri boıynsha 95%-ǵa jetkizý», - dep atap ótti vedomstvo basshysy.
Mınıstrdiń aıtýynsha, kóliktik-tranzıttik áleýetti damytý avtomobıldik tranzıtterdi arttyrý arqyly qamtamasyz etiledi.
«Búginde elimizdegi 8 avtomobıldik-tranzıttik dálizdiń jalpy uzyndyǵy 13 myń shaqyrymdy quraıdy. Qazirgi tańda respýblıkalyq jeli boıynsha normatıvtik jaǵdaıda 90% jol, jergilikti jeli boıynsha 80% jol bar. Bıyl jalpyhalyqtyq jalpyǵa ortaq paıdalanylatyn 11 myń shaqyrymnan astam avtojoldy qurylys-montajdaý jumystary júrgizilip jatyr», - dedi Qaıyrbek Óskenbaev.