2025 jylǵy tamyz qazaqstandyqtar úshin birneshe mańyzdy ózgerister men erekshe jańalyqtardan bastalǵaly otyr. Bul aıda zańnamadaǵy túzetýlerden bastap, halyqaralyq konsertterge deıin túrli salada tyń dúnıe bar. Aqshamnews.kz tilshisi nazarlaryńyzǵa eń basty ózgeristerdi usynady.
Avtogaz baǵasy ósedi
1 tamyzdan bastap Energetıka mınıstrligi suıytylǵan gazdyń shekti baǵasyn ózgertýdi josparlap otyr. Ózgerister:
-
Kóterme baǵa: 51 932 teńgeden → 59 722 teńgege/tonna;
-
Bólshek baǵa: óńirge baılanysty 7–10 teńgege/lıtrge ósedi.
Bul sheshim janarmaı quıý beketterindegi avtogaz baǵasyna tikeleı áser etýi múmkin.
sýret: gov.kz
AQSH keıbir qazaqstandyq taýarlarǵa baj salyǵyn engizedi
1 tamyzdan bastap AQSH qazaqstandyq eksporttyń birqatar túrine 25% baj salyǵyn engizedi. Biraq bul shekteý munaı, ýran jáne metaldarǵa qatysty emes.
Baj salyǵy kelesi ónimderge áser etýi múmkin:
-
fosfor,
-
bıdaı jelimi,
-
optıkalyq lınzalar jáne t.b.
Sarapshylar bul ónimderdiń Qazaqstan ishindegi baǵasyna da yqpal etýi múmkin ekenin joqqa shyǵarmaıdy.
sýret: gov.kz
Páterdi qolma-qol satyp alýǵa tyıym salynady
1 tamyzdan bastap úlestik qurylys jobalaryna qatysý kezinde tek qolma-qol emes esep aıyrysýǵa ruqsat etiledi. Endi qurylys kompanıasy men úlesker arasyndaǵy "qoldan qolǵa" páter berý - zańsyzdyq.
Ulttyq bank muny operasıalardyń ashyqtyǵy men azamattardyń quqyqtaryn qorǵaý maqsatynda engizip otyrǵanyn málimdedi. Endi tólem tek jeke bank shotynan nemese bank kasasy arqyly kompanıa shotyna aýdarym jasaý arqyly júrgiziledi.
sýret: kn.kz
UBT-nyń kezekti kezeńi ótedi
10–20 tamyz aralyǵynda talapkerler Ulttyq biryńǵaı testileýge (UBT) taǵy qatysa alady. Testileý eki formatta ótedi:
-
Elektron formatta – 10–20 tamyz;
-
Qaǵaz formatynda – 17–20 tamyz aralyǵynda.
Oǵan bıyl jáne byltyr mektep bitirgen túlekter, sondaı-aq pedagogıkalyq baǵyttar boıynsha aqyly oqýǵa túskisi keletinder qatysa alady.
sýret: sheridanmentoring.com
Akvamádenıet zańdy kúshine enedi
13 tamyzdan bastap "Akvamádenıet týraly" zań resmı túrde kúshine enedi. Burynǵy "balyq sharýashylyqtary" endi akvakýltýra sýbektileri retinde zańdastyrylyp, kelesi qyzmet túrlerimen aınalysa alady:
-
kól-taýarlyq;
-
toǵandyq;
-
balyq ósirý jáne basqa da baǵyttar.
Sonymen qatar, olar sýbsıdıa, kredıt, saqtandyrý jáne jeńildetilgen salyqtyq rejım sekildi memlekettik qoldaý sharalaryna ıe bolady.
sýret: gov.kz
Ulttyq aýyl sharýashylyǵy sanaǵy bastaldy
1 tamyz ben 20 qazan aralyǵynda Qazaqstanda ulttyq aýyl sharýashylyǵy sanaǵy júrgiziledi. Ol eki kezeńge bólingen:
-
1–31 tamyz: respondentter arnaıy veb-portal arqyly óz betimen saýalnama toltyrady;
-
20 qyrkúıek – 20 qazan: ıntervúerler jeke suhbattar ótkizedi.
Sanaqqa fermerlik, jeke kásipkerlik qurylymdar, agrarlyq salada jumys isteıtin zańdy tulǵalar men jeke qosalqy sharýashylyqtary bar azamattar qamtylady. Jumysqa 5 myńnan astam adam tartylady.
sýret: gov.kz
Djennıfer Lopes Qazaqstanda konsert beredi
Amerıkalyq pop-dıva Djennıfer Lopes alǵash ret Qazaqstanda konsert ótkizedi:
-
1 tamyz – Astana Arena (Astana);
-
10 tamyz – Ortalyq stadıon (Almaty).
Konsertter onyń UP ALL NIGHT: LIVE IN 2025 álemdik týrnesi aıasynda ótedi. Bıletterdiń baǵasy – 40 myńnan 180 myń teńgege deıin satyldy.
cýret: ashyq derekkóz
Ata zańymyzdyń 30 jyldyǵy atap ótiledi
30 tamyz – Qazaqstan Konstıtýsıasynyń 30 jyldyǵy. Elimizdiń basty zańy 1995 jyly jalpyulttyq referendýmda qabyldanǵan bolatyn.
Mereke senbige (30 tamyz) túskendikten, demalys kúni dúısenbige – 1 qyrkúıekke aýystyrylady.
sýret: Almaty.tv