2022 jyly eldegi pıazdyń ónimi 1,1 mıllıon tonna boldy.
Syrtqy saýda saıasaty jáne ekonomıkalyq uıymdarǵa qatysý máseleleri jónindegi vedomstvoaralyq komısıa pıaz eksportyna 3 aı merzimge tyıym salý týraly sheshim qabyldady. Bul pıazdyń Qazaqstannan jappaı shyǵarylýyn boldyrmaý jáne onyń baǵasyn turaqtandyrý úshin jasaldy, dep habarlaıdy Almaty-akshamy.kz.
Úshinshi elderdiń qazaqstandyq pıazǵa degen suranysy Azıa men álemdegi eń iri pıaz óndirýshilerdiń biri - Pákistandaǵy tabıǵı apattarmen baılanysty. Bul eldegi sý tasqyny álemde, onyń ishinde bizdiń eldiń naryǵynda pıaz baǵasynyń ósýine ákeldi. Bul týraly Aýyl sharýashylyǵy mınıstrligi habarlady.
Qazaqstannyń ońtústik óńirlerinde, sonymen birge Ózbekstanda ónimniń qatty aıazda úsip ketýi onyń qunyna qosymsha salmaq bolyp otyr. Osylaısha, pıazdyń negizgi óndirýshileri endi qazaqstandyq ónimdi belsendi túrde ımporttap jatyr.
"Sonymen qatar, Ulttyq statısıka búrosynyń málimeti boıynsha, 2022 jyly eldegi pıazdyń ónimi 1,1 mıllıon tonna boldy. Bul rette qazaqstandyqtar jyl saıyn bul kólemnen 3 ese az, ortasha eseppen alǵanda 315 myń tonna tutynady. Ákimdikterdiń derekterine sáıkes, bul kúni elimizde pıazdyń rastalǵan qory – 152,4 myń tonna, bul byltyrǵy eginniń jalpy kóleminiń 14%-i ǵana. Bul kólem jańa ónim jınalǵanǵa deıin jetkilikti, sondyqtan eksportqa engizilgen shekteýler Qazaqstannan qalǵan pıazdy áketý táýekelderin boldyrmaıdy", - dep habarlady vedomstvo.
Respýblıkada pıazdyń kóterme baǵasy – bir kelisine 150-170 teńge, al kórshiles Reseı men Ózbekstanda baǵa 240 teńge kóleminde turady. Qaztrade málimetteri boıynsha, Ózbekstan men Tájikstan óz elderinde pıaz eksportyna shekteý qoıǵan bolatyn.
Úkimet jaqyn arada naryqtyq jaǵdaıdy jaqsartý kezinde barlyq shekteýlerdi ýaqtyly alyp tastaý úshin eldegi jáne álemdegi jaǵdaıdy muqıat qadaǵalaıdy. Fermerler úshin pıaz eksportyna tyıym salýdyń jaǵymsyz saldaryn azaıtý úshin búgingi kúni aýyl sharýashylyǵy taýaryn óndirýshilerden pıazdy ÁKK arqyly turaqtandyrý qorlaryna, sondaı-aq saýda jelileri arqyly aınalym sqemasy arqyly satyp alýdyń ártúrli tetikteri iske asyrylyp jatyr.