Qazaqstan Ulttyq Banki azamattardy jeke derekteri men banktik shottaryn jymqyryp alý maqsatynda alaıaqtardyń jańa sqemalardy qoldana bastaǵany jóninde eskertedi, dep habarlaıdy aqshamnews.kz
Jańa alaıaqtyq ádisteri:
-
Gúl shoǵynyń jetkizilýi:
Azamattarǵa jóneltýshiniń derekteri kórsetilmegen gúl shoqtary jiberiledi. Keıin qaskóıler habarlasyp, ózderin jetkizýshi qyzmettiń qyzmetkerleri retinde tanystyrady. Olar habarlamada kórsetilgen kod arqyly gúl shoǵynyń jetkizilgenin rastaýdy suraıdy. -
Poshta jóneltilimderi:
Alaıaqtar "poshta bólimshesinen tapsyrysty alý" degen syltaýmen zıandy siltemeler men habarlamalar jiberedi. Mundaı siltemelerde jeke derekterdi engizý talap etiledi. Sonyń nátıjesinde alaıaqtar telefondaǵy derekterge, sonyń ishinde bank qosymshalaryna qol jetkizedi. -
Zıan keltirýi múmkin faıldar:
Messendjerler arqyly fotosýret túrindegi zıan keltirý baǵdarlamalaryn jiberedi. Fotosýretti ashqan kezde ".APK" keńeıtilimi bar ornatý faıly iske qosylyp, qurylǵyny basqarý alaıaqtardyń qolyna ótedi. -
Jasandy ıntellekt arqyly aldaý:
Alaıaqtar jasandy ıntellekt tehnologıalaryn qoldanyp, jaqyn adamdardyń daýysyn nemese beınesin ımıtasıalaıdy. Olar týys nemese tanys retinde habarlasyp, aqsha aýdarýdy, siltemege ótýdi nemese jeke derekterdi aıtýdy suraıdy.
Ulttyq Banktiń keńesteri:
- Úshinshi tulǵalarǵa qupıa aqparat bermeńiz.
- Kúdikti qońyraýlar men suratýlardyń túpnusqalyǵyn tekserińiz.
- Beıtanys siltemeler men faıldardy ashpańyz.
- Qashyqtan qol jetkizý qosymshalaryn ornatpańyz (mysaly, HopToDesk, RustDesk, AnyDesk jáne t.b.).
- Memlekettik organ nemese Ulttyq Bank qyzmetkeriniń atynan belgisiz qońyraý shalynsa, áńgimeni dereý toqtatyńyz jáne resmı nómirler arqyly baılanysyńyz.
Alaıaqtyqqa tap bolsańyz:
Quqyq qorǵaý organdaryna júginińiz.
Keńes alý úshin Qazaqstan Ulttyq Bankiniń baılanys ortalyǵyna 1477 nómiri arqyly habarlasýǵa bolady.