Osy maqsatta arnaıy zań ázirlegen.
Qazaqstan Úkimeti aýyl shaýrashylyǵyn damytý úshin jeke qosalqy sharýashylyqtarǵa jaǵdaı jasalý kerektigin aıtady. Osy maqsatta ázirlegen zań jobasy Parlamentke jiberildi, dep habarlaıdy Almaty-akshamy.kz.
«Memleket basshysynyń tapsyrmasy aıasynda Aýyl sharýashylyǵy mınıstrligi ázirlegen «Jeke qosalqy sharýashylyq týraly» zań jobasy jan-jaqty qoǵamdyq talqylaýdan keıin Qazaqstan Respýblıkasy Parlamenti Májilisiniń qaraýyna jiberildi, - delingen ASHM baspasóz qyzmetiniń habarlamasynda.
Mamandardyń aıtýynsha, zań jobasynyń keıbir sátteri men normalary qoǵam arasynda kóptegen suraqtar týǵyzdy, biraq jeke qosalqy sharýashylyqtar qyzmetiniń zańnamalyq negizderiniń qajettiligi aıqyn kórindi.
Resmı derek boıynsha, Qazaqstanda shamamen 1,6 mln JQSH bar, olar 2020 jyldyń qorytyndysy boıynsha 2,6 trln teńge aýyl sharýashylyǵy ónimin óndirdi nemese 41,5%. Bul rette qyzmettiń bul túri jeke zańnamalyq aktimen rettelmegen, olardyń mártebesi anyqtalmaǵan.
Zań jobasy múddeli organdarmen birge qaralyp, sondaı-aq úkimettik emes uıymdarmen, fermerlermen, bıznes qoǵamdastyqpen, belsendi azamattarmen jáne tikeleı aýyldyq eldi mekenderdiń turǵyndarymen jarıa talqylaýdyń barlyq kezeńderinen ótti. Nátıjesinde 1600-den astam usynystar men eskertýler kelip tústi.
Atalǵan jumystyń qorytyndysy boıynsha zań jobasy kelip túsken pikirler men usynystardy eskere otyryp, birneshe ret pysyqtaldy.
«Zańnyń qorytyndy jobasy aıtarlyqtaı naqtylanyp, jeke qosalqy sharýashylyqqa naqty túsinik berildi jáne onyń mártebesi kásipkerlik emes qyzmet túri retinde anyqtaldy. Jergilikti atqarýshy organdarǵa jeke qosalqy sharýashylyqtardy damytý úshin jaǵdaı jasaý bóliginde naqty qosymsha ókilettikter berilgen, eń aldymen bul jaıylymdyq jáne shabyndyq alqaptarmen qamtamasyz etý máselelerine qatysty. Jeke qosalqy sharýashylyqtardy damytý máseleleri boıynsha jaýapkershilik kúsheıtildi, osy másele boıynsha aýyl turǵyndary aldynda ákimderdiń esep berý normasy engizildi»,- delingen ASHM baspasóz qyzmetiniń habarlamasynda.
Atalǵan zańdy qabyldaý jeke qosalqy sharýashylyqtarǵa olardyń kooperatıvteri arqyly júrgiziletin memlekettik qoldaý sharalaryn kórsetýdiń zańnamalyq negizin qalaýǵa múmkindik beredi. Mundaǵy basty másele kooperatıvterdiń óz múshelerine kórsetetin qyzmetteriniń qunyn sýbsıdıalaý bolyp tabylady.