Arnaıy ázirlengen baǵdarlama tanystyryldy.
Sáýirdiń 28 kúni Qazaqstannyń Premer-Mınıstriniń orynbasary Eraly Toǵjanov «Halyqtyń tabysyn arttyrý» baǵdarlamasymen tanystyrdy, dep habarlaıdy Almaty-akshamy.kz.
Atalmysh baǵdarlamanyń úlken baǵyttarynyń birine jastarǵa arnalǵan jobalar jatady. Eraly Toǵjanovtyń aıtýynsha, jumys isteımin degen jastarǵa kóptegen múmkindikter beriletin bolady.
«160 myń jasty "Alǵashqy jumys orny" atty joba aıasynda 400 AEK kólemindegi grantpen qamtamasyz etý kózdelip otyr. Jumys isteımin degen jastarǵa úlken múmkindik bolatynyna senimdimin. Osy baǵytta birigip jumys isteıtin bolamyz», - dedi Qazaqstannyń Premer-Mınıstriniń orynbasary Eraly Toǵjanov Ortalyq komýnıkasıalar qyzmetinde ótken baspasóz konferensıasy barysynda.