2 mln jumys orny qurylady.
«Halyqtyń tabysyn arttyrý» baǵdarlamasy aıasynda 2 mln jumys orny qurylady. Bul týraly atalmysh baǵdarlamany tanystyrǵan Qazaqstannyń Premer-Mınıstriniń orynbasary Eraly Toǵjanov aıtty, dep habarlaıdy Almaty-akshamy.kz.
«Birinshiden, baǵdarlama 1 mln-nan asa búdjet salasy qyzmetkerleriniń, sonymen qatar kvazımemlekettik sektordyń óndiristik personalynyń jalaqysyn arttyrýǵa baǵyttalǵan. Onyń ishinde 800 myń búdjet, 200 myń óndiristik saladaǵy azamattar bar. Kelesi jumada «Samuryq Qazynada» kvazımemlekettik sektorǵa qatysty úlken kezdesý bolady. Sol jerde osy máselelerdiń bári jeke-jeke talqylanady. Sonymen qatar, 2,8 mln qyzmetkerdiń jalaqysyn arttyrýdy bıznes pen memleket arasyndaǵy qarym-qatynasqa tikeleı qatysy bar jobalar arqyly júzege asyramyz. Ásirese, memlekettiń tikeleı qoldaýyn alatyn bıznes salasyna 2,8 mln azamattyń jalaqysyn kóterýge qarsy talap qoıylady», - dedi Úkimet basshysynyń orynbasary Ortalyq komýnıkasıalar qyzmetindegi baspasóz konferensıasy barysynda.
Onyń aıtýynsha, baǵdarlama aıasynda ekonomıkanyń túrli salasynda 2 mln-nan astam jańa jumys orny qurylady.
«Óndiris salasynda 950 myń, ınfraqurylym salasynda 583 myń, aýyl sharýashylyǵynda 458 myń, týrısik salada 59 myń jumys orny ashylady. Bul — qazirgi naqty múmkindikter. Ol ulttyq baǵdarlamalarda kórsetilgen. Degenmen budan da joǵary kóterýge múmkindik bolady dep oılaımyz», - dedi Eraly Toǵjanov.