Jańa Qazaqstan jasaı bersin!
Prezıdent Qasym-Jomart Toqaevtyń Qazaqstan halqyna Joldaýy elimizdiń Táýelsizdik tarıhynda eń basty Joldaýlardyń biri retinde qalatyny sózsiz. Bul jaı ǵana saıası reformalar emes, Qazaqstannyń demokratıalyq ınstıtýttaryn nyǵaıta túsetin MEGAJAŃǴYRÝ. Ol kóptegen salalarǵa – saıasatqa, azamattardyń áleýmettik jaqsarýyna, memlekettik organdarǵa, Parlamenttiń qos palatasyna, partıalarǵa, qoǵamdyq uıymdarǵa, bızneske, quqyq qorǵaý organdaryna, t.b. áser etti. Memleket basshysy óziniń demokratıalyq ustanymyn kórsetip, eldegi saıası úderisterge yqpal etý tetikterin Qazaqstan Prezıdentinen, ózinen alyp tastaýdy usyndy. Bul qadamynyń bolashaqty demokratıalandyrýǵa septigin tıgizetinin atap ótti. Saıası partıalardy tirkeý joıyldy, odan keıingi barlyq deńgeıdegi depýtattar saılaýynda jańa prınsıp bolady, Qazaqstan halqy Assambleıasynyń Parlamenttegi róli de ózgerdi. Bul degen orasan ózgerister.
Sondaı-aq Dinmuhamed Ahmetuly Qonaevtyń qurmetine elimizdiń kartasynda jańa beles, jańa oblystar, qalalar paıda boldy. Ataqty ındýstrıaldy-kýrorttyq qala Qapshaǵaı qazaq qoǵamyna orasan zor úles qosqan kórnekti saıası qaıratkerdiń esimimen atalatyn bolady. Óıtkeni, bolashaq urpaq óz batyrlarynyń, onyń ishinde saıası tulǵalardyń esimderin bilýi kerek. Jańa oblystarymyzdyń qurylýymen quttyqtaımyz.
Keń qoǵamdyq dıalog ınstıtýtyn qurý ıdeıasy qyzyqty boldy. Bul - belgili qoǵam qaıratkerlerinen turatyn «Ulttyq quryltaı» jańa alańy. Bul - qoǵamdaǵy túıtkildi máselelerdi keńinen memlekettik deńgeıge kóterýdiń jaqsy quraly.
Sózimdi Jańa Qazaqstannyń azamaty retinde Qasym-Jomart Kemelulyna degen senimimdi bildiretin Memleket basshysynyń sózimen aıaqtaǵym keledi: «Qandaı jaǵdaı bolsa da, Prezıdent árqashan halqymen birge!»