Dala demokratıasy, ulttyq birlik pen qoǵamdyq dıalog.
Almaty qalasy Naýryzbaı aýdandyq «Baqytty otbasy» kóp balaly jáne az qamtylǵan otbasylarǵa arnalǵan áleýmettik ortalyǵynyń basshysy Sana Jandaeva Prezıdent Joldaýynan alǵan áserimen bólisti, dep habarlaıdy Almaty-akshamy.kz.
«Búgin Prezıdent Qasym-Jomart Toqaevtyń Qazaqstan halqyna jasaǵan Joldaýyn tarıhı oqıǵa dep baǵalaýǵa bolady.Ásirese, dala demokratıasy, ulttyq birlik pen qoǵamdyq dıalogty atap ótkim keledi», - dep jazdy Sana Shaıhanqyzy áleýmettik jelidegi jazbasynda.
Ol Ulttyq keńestiń qyzmetin jalpyulttyq deńgeıde jalǵastyratyn Ulttyq Quryltaıdyń qurylǵany týraly habardy estip, qýanǵan.
Onyń pikirinshe, bul - keń qoǵamdyq dıalogtyń jańa ınstıtýty. Bul alańda barlyq óńirlerdiń belgili qoǵam qaıratkerleriniń bolýy, olarǵa ortalyq deńgeıde el damýynyń keń aýqymdy máselelerin talqylaýyna qatysýyna múmkindik beredi.
«Tarıhqa kóz júgirtsek, ata-babalarymyz barlyq taǵdyrly sheshimderdi halyq jınalystarynda talqylap, qabyldaǵan. Biz Uly dalanyń osynaý demokratıalyq dástúrin jańǵyrtýymyz kerek», – dedi Elbasy.
Basty baılyǵymyz – Táýelsizdikti kózdiń qarashyǵyndaı saqtap, ulttyq bolmystyń irgetasyn nyǵaıtyp, eldi ózgertýge jumylýymyz kerek degenge kelisemin. Bul - bizdiń bolashaq urpaq aldyndaǵy qasıetti paryzymyz.
«Osylaısha, quryltaıdyń arqasynda ártúrli pikirdegi barlyq ókilderdi qamtıtyn ókildi qurylym qalyptasady. Ulttyq quryltaı músheleri turaqty túrde bas qosyp, mańyzdy máselelerdi talqylaıdy», - dep jazdy Sana Shaıhanqyzy.