Ol aı saıyn 500 dollardan alyp turatyn boldy
Qazirgi Qazaqstan týraly úzdik roman konkýrsynyń jeńimpazy ómir boıy aıyna 500 dollardan alyp turatyn boldy, dep habarlaıdy Almaty-akshamy.kz Baq.kz-ke silteme jasap.
2022 jyldyń 4 shildesinde Almatyda óziniń tyrnaqaldy týyndysy "Kúlpet" romanyn jazǵan Qazǵulov Sharhan Naǵmetulyna "Freedom Support USA" baǵdarlamasy boıynsha Erikti jedel anýıtettik saqtandyrý sharty shyǵaryldy. Bul roman www.mecenat.kz saıtyndaǵy konkýrsta halyqtyń kópshilik daýysymen jeńiske jetti. Marapat ómir boıyna aı saıyn 500 dollardy (tólem jasalǵan kúngi QR Ulttyq Bankiniń baǵamy boıynsha teńgemen) quraıdy. Polısti qazaqstandyq "Freedom Finance Life" ómirdi saqtandyrý kompanıasy" AQ shyǵardy (QR Ulttyq Bankiniń 28.05.2019 j. №2.2.51 lısenzıasy).
2022 jyldyń 5 shildesinde konkýrs jeńimpazy jáne fınaldyń 6 qatysýshysy baspa isi jáne mádenıet qaıratkerlerimen birge Almatyda ótken dóńgelek ústelge qatysty, atap aıtqanda:
- Mádenıet jáne sport mınıstrliginiń Arhıv isteri jáne qujattamany basqarý komıteti tóraǵasynyń orynbasary Aqtilek Táji memlekettiń jańarǵan kitap shyǵarý saıasaty týraly aıtyp berdi.
- ataqty aqyn Baqyt Kenjeev áriptesteriniń nazaryna qazaqstandyq jazýshylardyń eń iri halyqaralyq kitap naryǵynda qandaı jaǵdaılarda suranysqa ıe bola alatynyn jetkizdi.
- syılyq mesenaty Tımýr Týrlov fılantropıanyń aldaǵy josparlarymen bólisti,
- Qazaqstan Jazýshylar Odaǵy tóraǵasynyń birinshi orynbasary Aqberen Elgezek "Ádebıet akademıasy" jobasy jaıly aqparatty ortaǵa saldy.
Dóńgelek ústelden keıin 10 iri baspanyń ókilderi fınaldyń osy 6 qatysýshysymen olardyń týyndylaryn basyp shyǵarý týraly tikeleı kelissózder júrgizdi, osylaısha álem ádebıetiniń tarıhynda tuńǵysh ret kınoındýstrıadaǵy, mysaly, Kann (Fransıa) jáne Pýsan (Ońtústik Koreıa) sıaqty marketpleısterdegi jobalarǵa uqsas marketıńtik jobalar oryn aldy.
Roman Mecenat.kz jobasynyń aıasynda orys tiline aýdarylady.
Qazirgi Qazaqstan týraly úzdik roman úshin jyl saıyn beriletin Mecenat.kz ádebı syılyǵy – bul Qazaqstan azamattarynyń, el patrıottarynyń jáne kásipqoı ádebıetshiler tobynyń komersıalyq emes, saıası emes táýelsiz azamattyq jobasy. Maqsaty – qazaq ádebıeti men oqýǵa degen qyzyǵýshylyqty damytý. Syılyqtyń negizin qalaýshy – Erlan Asqarbekov, mesenat – Tımýr Týrlov. Qazaq jáne orys ádebıetiniń sarapshylary – Baqytjan Qanapánov pen Pavel Bannıkov.
Bıyl 67 roman jınalyp, daýys berýge 21 jiberildi. Avtor retinde de, daýys berýshi retinde de qatysý quqyǵy tek Qazaqstan azamattaryna berildi. Saıtty 63 myńǵa jýyq adam qarap shyqty. Olar saıtqa ortasha eseppen ádettegi 7 sekýndtyń ornyna 3-4 mınýt ýaqyttaryn bóldi. Olardyń 4 myńǵa jýyǵy shyǵarmalaryn júktedi, oqydy, táýelsiz tańdaýy boıynsha daýys berdi.
Jobaǵa aqparattyq qoldaý kórsetkender:
– bas aqparattyq demeýshi – Qazaqstan ulttyq telearnasy jáne Aqparat mınıstrligi
– Mádenıet mınıstrligi (barlyq 7300 mádenıet mekemelerine aqparat jiberip, taratty)
– Amanat partıasy (barlyq 800 myń partıa múshesine aqparat joldady)
– Nur-Medıa holdıńi (Astana TV, "Lıter" jáne "Aıqyn" gazetteri)
- Ulttyq Kásipkerler Palatasy (barlyq fılıaldaryna aqparat taratty)
Konkýrs týraly habarlandyrý kelesi basylymdarda jarıalandy:
- "Qazaq ádebıeti", "Egemen Qazaqstan" gazetterinde
- ZTB, Dalanews, QazAqparat, Baq portaldarynda
Sondaı-aq uıymdastyrýshy kelesi ádebı uıymdardyń múshelerine tikeleı shaqyrý jiberdi:
- Jazýshylar Odaǵy
- Almaty Ashyq Ádebıet Mektebi
- "Lıtpraktıkým" kýrstary
- Almaty ádebıet úıi
- "Jazýshylardyń Qurama Shtattary" jobasy
- Kitapfest jobasy
Jobaǵa Moldanazar, M.Bısenǵalıev, A.Saın, A.Múkeı, L.Sultanqyzy, S.Aqyshev, S.Abas-SHah, J.Ilıcheva, B.Qısyqov, Almaz Erjan, Oljas Qudaıbergenov, Samal Ibraeva sıaqty juldyzdar men medıa tulǵalar qoldaý kórsetti.
Daýys berý rásimi qazaqstandyq nómirlerdiń SMS-habarlamalaryn verıfıkasıalaý, ishki aýdıt, qorytyndy aýdıt, arnaıy tehnıkalyq rásimder men hattamalar arqyly qorǵaldy. Ázirleýge biliktiligi eń joǵary kıberqaýipsizdik mamandary qatysty. Saıtqa daýystardy burmalaý men daýys jınaýdyń zańsyz shabýyldary úzdiksiz jasalǵanymen, uıymdastyrýshylar úmitkerlerdiń alǵashqy jubyndaǵy daýystardyń naqty sanyn beınejazbaǵa túsirý arqyly nátıjelerge jalpy aýdıt júrgizip, durys toıtarys bere aldy.
Joba kelesi baǵyttarda damıtyn bolady:
- qazaq dıasporasynyń avtorlaryn shaqyrý
- áleýmettik jeliler men messendjerlerde ilgeriletýdiń oılastyrylǵan strategıasy
- eń úzdik qoljazbalardy ekranǵa shyǵarý úshin birinshi jylǵy fınalısterge arnalǵan folloý-ap – kıno prodúserlerine arnalǵan marketpleıs
- qazirgi aqparattyq demeýshilermen aradaǵy seriktestikti kúsheıtý
- barlyq ádebı kýrstarmen (qazaqstandyq nemese sheteldegi qazaq tilindegi) yntymaqtasý
- kıberqaýipsizdik sharalaryn kúsheıtý.