Qazaqstannyń Tótenshe jaǵdaılar mınıstrligi alǵash ret L‑410 kópmaqsatty qos motorly ushaǵyn aldy.
Bul qutqarý vedomstvosynyń avıasıasyn damytýdaǵy mańyzdy qadam, ol tótenshe jaǵdaılarǵa tezirek den qoıýǵa jáne qol jetpeıtin aýdandarǵa kómek jetkizýge múmkindik beredi, dep habarlaıdy aqshamnews.kz.
Sonymen qatar bul áýe kemesin paıdalanýǵa berý eldegi azamattyq avıasıanyń damýyna yqpal etedi, óıtkeni ol ushqyshtardyń biliktiligin arttyrady, zamanaýı áýe kemelerin qoldanýdy keńeıtedi jáne qıyn jaǵdaılarda jeńil avıasıany paıdalanýǵa jańa múmkindikter jasaıdy.
Ushaqty berý saltanatty rásimi TJ mınıstri general-maıor Shyńǵys Árinovtiń qatysýymen ótti.
Vedomstvo basshysy bul ushaq qutqarý bólimsheleriniń utqyrlyǵyn edáýir arttyratynyn jáne tabıǵı apattardyń, avarıalar men basqa da oqıǵalardyń saldaryn tıimdi joıýǵa kómektesetinin atap ótti.
«Memleket basshysynyń qoldaýynyń arqasynda búgin biz Qazaqstan TJM úshin L 410 ushaǵyn alý - tarıhı oqıǵaǵa kýá boldyq. Bul qadam bizge qutqarýshylardy, qural-jabdyqtardy jáne gýmanıtarlyq kómekti elimizdiń eń shalǵaı buryshtaryna jedel jetkizýge múmkindik beredi. Ushaq bizdiń jumysymyzda senimdi jáne jan-jaqty kómekshi bolady. Men «Qazavıaqutqarý» AQ bazasynda avıajasaqtar qurý baǵdarlamasyna bastamashy boldym, - dep Shyńǵys Árinov atap ótti.
L-410 Qazaqstan TJM «Qazavıaqutqarý» AQ avıasıalyq parkiniń quramyna kiredi. Onyń negizgi maqsaty-jaǵdaıdy baqylaý, gýmanıtarlyq júkterdi jáne jeke quramdy tasymaldaý, sondaı-aq zardap shekkenderdi evakýasıalaý.
Ushaqtyń basty artyqshylyqtarynyń biri-onyń qıyn jaǵdaılarda jumys isteý qabileti. Ol topyraq, qar jáne shóp basqan aerodromdarǵa qonyp, uzyndyǵy nebári 500 metr bolatyn qysqa jolaqtardan ushyp, -50 — den +50 °C-qa deıingi temperatýraǵa tótep bere alady.
Sonymen qatar L‑410 6500 km qashyqtyqqa 19 jolaýshyny nemese 1800 kg júkti tasymaldaýǵa qabiletti. Modeldiń ereksheligi-aýyr juqpaly aýrýmen aýyrǵan naýqastardy tasymaldaýǵa arnalǵan arnaıy modıfıkasıa bolyp tabylady. Búginde mundaı ushaqtardy álemde tek úsh avıakompanıa shyǵarady.
Paıdalanýǵa berilmes buryn qazaqstandyq ushqyshtar Pragadaǵy avıasıalyq daıarlaý ortalyǵynda ushaqty basqarý jáne tehnıkalyq qyzmet kórsetý boıynsha arnaıy oqýdan ótti. TJ mınıstri oqytýǵa kómek kórsetkeni úshin Omnipol kompanıasynyń ókilderine alǵys aıtyp, halyqaralyq yntymaqtastyq TJM avıasıasyn damytýda mańyzdy ról atqaratynyn atap ótti.
L-410 satyp alý Ónerkásipti damytý qorynyń qoldaýynyń arqasynda múmkin boldy, bul memlekettiń avıasıa salasyn damytýǵa jáne eldegi qaýipsizdikti arttyrýǵa strategıalyq kózqarasyn kórsetedi.
Qutqarý operasıalarynda tikeleı qoldanýdan basqa, L‑410 paıdalaný Qazaqstandaǵy azamattyq avıasıany damytýdyń mańyzdy kezeńi bolady. Mundaı áýe kemeleriniń paıda bolýy ınfraqurylymy shekteýli óńirlerde jeńil avıasıany paıdalaný úshin jańa múmkindikter ashady, ushqyshtardy daıarlaý deńgeıin arttyrýǵa jáne qazirgi zamanǵy ushaqtarǵa servıstik qyzmet kórsetýdi damytýǵa yqpal etedi.
L‑410 alý — vedomstvonyń avıasıalyq parkin modernızasıalaý boıynsha aýqymdy jumystyń bir bóligi. Jaqyn arada «Qazavıaqutqarý» AQ bazasynda «soltústik–ońtústik, batys–shyǵys» qaǵıdaty boıynsha eldiń búkil aýmaǵyn qamtıtyn 20 avıajasaq qurylatyn bolady. Bul shuǵyl áreket etýdi jáne qutqarý operasıalaryn tıimdirek uıymdastyrýǵa múmkindik beredi.
Jańa ushaqty paıdalanýǵa engizý TJM avıasıasynyń áleýetin kúsheıtip qana qoımaı, jalpy Qazaqstannyń áýe flotynyń damýyna yqpal etedi. Jeńil ushaqtardy qoldanýdy keńeıtý, ushqyshtardyń biliktiligin arttyrý jáne avıasıalyq ınfraqurylymdy jetildirý-munyń bári eldiń avıasıasyn zamanaýı, mobıldi jáne kez kelgen kúrdeliliktegi mindetterdi sheshýge daıyn etedi.
Jańa ushaqty paıdalanýǵa engizý TJM avıasıasynyń áleýetin kúsheıtip qana qoımaı, jalpy Qazaqstannyń áýe flotynyń damýyna yqpal etedi. Jeńil ushaqtardy qoldanýdy keńeıtý, ushqyshtardyń biliktiligin arttyrý jáne avıasıalyq ınfraqurylymdy jetildirý-munyń bári eldiń avıasıasyn zamanaýı, mobıldi jáne kez kelgen kúrdeliliktegi mindetterdi sheshýge daıyn etedi.