Qazaqstan TJM qyzmetkerleri órtke qarsy jáne qutqarý tehnıkasy salasyndaǵy álemdik kóshbasshylardyń biri — Leondıng qalasyndaǵy Rosenbauer kompanıasynyń óndiristik alańynda boldy.
Jergilikti jerde mamandar zamanaýı órt sóndirý mashınalary men ekıpırovkalardyń qalaı jasalatynyn, syzbalar men materıaldardy tańdaýdan bastap túpkilikti qurastyrýǵa deıin egjeı-tegjeıli qarastyrdy. Elektromobılderdiń belsendi damýyn jáne qutqarýshylardyń qaýipsizdigine qoıylatyn talaptardy eskere otyryp ázirlengen tehnologıalarǵa erekshe nazar aýdaryldy.
Qazaqstandyq delegasıa órt dýlyǵalary men jaýyngerlik kıimder óndirisiniń qalaı uıymdastyrylǵanyn kórdi, onda ár bólshek joǵary táýekel jaǵdaıynda senimdi qorǵanysh pen jaılylyq úshin oılastyrylǵan.
Mundaı tájirıbe ozyq sheshimderdi qabyldaýǵa ǵana emes, eldegi azamattyq qorǵaýdyń tehnıkalyq bazasyn nyǵaıtýǵa baǵyttalǵan uzaq merzimdi yntymaqtastyqty da qurýǵa, sondaı-aq óndirýshilerge shyǵarylatyn ónimniń sapasyna qoıylatyn talaptardy arttyrýǵa múmkindik beredi.