Tenısten Qazaqstan quramasy Aýstralıada ótip jatqan United Cup týrnırindegi alǵashqy machynda jeńiske jetti.
Ispanıa quramasyna qarsy alǵashqy oıynda Aleksandr Shevchenko Pablo Karreno-Býstaǵa ese jiberdi, dep habarlaıdy aqshamnews.kz UOK-ke silteme jasap.
Keıin Elena Rybakına Djessıka Maneırony jeńip, esepti teńestirdi.
Sheshýshi úshinshi kezdesýde Rybakına men Shevchenko ıspandyq jup Pablo Karreno Býsta/Ivon Kavale-Reımersti jeńip, Qazaqstan quramasyna jeńis syılady.
Osylaısha, Qazaqstan Ispanıany 2:1 esebimen jeńip, S tobynda kósh bastady. Bul topta Qazaqstannan bólek Grekıa quramasy da bar. Grek tenısshilerimen kezdesý 30 jeltoqsanda ótedi.
Eske sala keteıik, týrnırde Qazaqstan quramasy sapynda Elena Rybakına, Jibek Qulambaeva, Aleksandr Shevchenko, Dmıtrıı Popko jáne Aleksandr Nedovesov óner kórsetedi.
Shırek fınalǵa alty toptyń jeńimpazdary jáne ekinshi oryn alǵan úzdik eki komanda ótedi. United Cup týrnırine barlyǵy 18 qurama qatysýda.