Osy shara aıasynda respýblıkalyq búdjetten 61 mlrd teńge bólinedi
Qazaqstannyń respýblıkalyq jáne oblystyq mańyzy bar joldarynda ınternet paıda bolady. Bul týraly Telekomýnıkasıalar komıtetinde málimdedi, dep habarlaıdy Almaty-akshamy.kz LS-ke silteme jasap.
Vedomstvo málimetinshe, 2024-2027 jyldar aralyǵyna arnalǵan «Qoljetimdi ınternet» ulttyq jobasy aıasynda respýblıalyq tasjoldardy mobıldi ınternetpen qamtamasyz etý josparlanyp otyr. Ol úshin sıfrlyq ınfraqurylym salynady, atap aıtqanda, talshyqty-optıkalyq baılanys jelileri ornatylyp, dińgek antenaly jabdyqtar men transmısıalar ornatylady, sondaı-aq elektr energıasymen qamtamasyz etiledi.
Komıtet osy sharalar aıasynda respýblıkalyq búdjetten 61 mıllıard teńge, sondaı-aq baılanys operatorlarynyń búdjetinen bazalyq stansıalardy ornatýǵa 30 mlrd teńge bólý josparlanyp otyrǵanyn aıtty.
«Sonyń arqasynda respýblıkalyq jáne negizgi oblystyq mańyzy bar joldarda baılanys pen ınternetke qol jetkizýge bolady, bul qaýipsizdikti de qamtamasyz etedi», - delingen habarlamada.