Qazaqstan elshisi Ýálıhan Tórehanov Tájikstan Úkimeti janyndaǵy Memlekettik materıaldyq rezervter agenttigi dırektorynyń orynbasary Sohıbdjon Zıódýlloevke saltanatty túrde 15 myń tonna mazýtqa sertıfıkat tapsyrdy.
Syrtqy ister mınıstrligi baspasóz qyzmetiniń málimetinshe Memleket basshysynyń tapsyrmasy boıynsha Tájikstanǵa eldiń mańyzdy energetıkalyq nysandarynyń turaqty jumys isteýi maqsatynda 2 mlrd 542 mln teńge (shamamen 5,65 mln AQSH dollary) somasyna gýmanıtarlyq kómek kórsetý týraly sheshim qabyldanǵanyn Ý.Tórehanov óz sózinde atap ótti, dep habarlaıdy Almaty-akshamy.kz
Gýmanıtarlyq kómek – «KazAID» otandyq-halyqaralyq damý agenttiginiń yqpaldasýymen júzege asyrylyp jatyr jáne energetıkalyq qaýipsizdikti qamtamasyz etýdegi úlesi qazaq-tájik strategıalyq qatynastarynyń nyshany bolyp tabylady.
Qazaqstan tarapynyń Tájikstanǵa kórsetken gýmanıtarlyq kómeginiń jalpy kólemi aqshalaı ekvıvalentte 2006 jyldan bastap 50 mln AQSH dollarynan asady.