Qazaqstannyń Kólik mınıstrligi men Reseı Federasıasynyń Kólik mınıstrligi «Rıdder-Novosıbırsk» halyqaralyq temirjol qatynasyn qalpyna keltirý týraly kelisimge keldi.
Poıyzdar osy jyldyń 18 jeltoqsanynan bastap tórt kúnde bir ret júre bastaıdy. Bul týraly oblys turǵyndarymen kezdesýde QR Kólik mınıstri Marat Qarabaev aıtty, dep habarlaıdy aqshamnews.kz Kólik mınıstrligine silteme jasap.
«Reseı temir joldary» AQ qyzmet kórsetetin №407/408 «Rıdder-Novosıbırsk» halyqaralyq poıyzy 250 jolaýshyǵa arnalǵan 6 vagonnan (3 kýpe, 3 plaskart) turady. Osylaısha Shyǵys qazaqstandyqtardyń úndeýi eleýsiz qalmady.
Joǵaryda atalǵan poıyz aýany baptaý jáne beınebaqylaý júıelerimen, bıoájethana keshenderimen, rozetkalarmen, mobıldi qurylǵylardy/gadjetterdi qýattaýǵa arnalǵan USB porttarymen jáne ár orynnyń janynda jeke jaryqtandyrýmen jabdyqtalǵan.