Vıtse-premer Serík Jūmanǵarınníń tóraǵalyǵymen ótken egín jınau nauqany boıynsha jedel shtabta jıyn-terímdí úzdíksíz júrgízu úshín fermerlerdí barlyq qajettí qūraldarmen qamtamasyz etu máselesí qaraldy.
Aua raıynyń qolaıly boluynyń arqasynda 27 qyrkúıektegí jaǵdaı boıynsha negízgí astyq egetín óńírlerde Qazaqstanda 13 mln ga juyq alqap nemese 75%-y jınaldy. Egín jınau nauqanyn qazan aıynyń sońyna deıín ayaqtau josparlanǵan. Alda – maıly daqyldardy jınau júrgízílude, dep habarlaıdy aqshamnews.kz.
Ónímdí keptíru agregattary úshín arzandatylǵan dızel otyny men sūıytylǵan gazdy tıep, jóneltu jáne 4-synypty arpa men bıdaıdyń baǵasy – jedel shtab otyrysynda qaralǵan negízgí máseleler boldy.
Auyl sharuashylyǵy vıtse-mınıstrí Azat Sūltanov habarlaǵandaı, 27 qyrkúıekte elevatorlarǵa 3,376 mln tonna astyq tústí, onyń 2,476 mln tonnasy – bıdaı. Bıdaıdyń jalpy kólemínde 1,4 mln tonnasy 3-synypty bıdaı (56,2%), 701,4 myń tonna – 4-synypty (28,3%), 263,1 myń tonna – 5-synypty (10,6%) astyq. Qambaǵa túsken arpanyń 95%-ǵa juyǵy – 2-synypty arpa.
4-5 synypty bıdaı jınaudy ūlǵaıtu perspektıvasyn eskere otyryp, sharualar osy astyqtyń forvardtyq satyp alu baǵasyn múmkíndígínshe erte jarıyalaudy sūrap otyr. Serík Jūmanǵarın Azyq-túlík korporatsıyasyna kelesí aptada forvardtyq satyp alu baǵasyn jarıyalaudy tapsyrdy.
Negízgí astyq egetín óńírlerge astyq keptíru agregattarynyń jūmysy úshín arzan baǵada sūıytylǵan gaz jetkízu bastaldy. Ónímdí jınap, keptíruge qajettí dızel otynyn tıep jóneltu josparǵa sáıkes júrgízílude.
Kúzde topyraqqa engízu úshín qajettí mıneraldy tyńaıtqyshtardy jóneltu barysy jeke qarastyryldy. Jalpy jospardyń 84%-ynda jóneltu tómen qarqynmen júríp jatqan óńírler bar. Vıtse-premer sharualar tyńaıtqyshtardy uaqytynda qoldanu úshín jūmys úderísín jedeldetudí tapsyrdy.