Antıkor Qazaqstandaǵy sport salasyndaǵy sybaılas jemqorlyqty tergeý boıynsha mańyzdy aqparat jarıalady, dep habarlaıdy aqshamnews.kz.
«Sportty damytý dıreksıasy» respýblıkalyq memlekettik kásiporyn dırektory men onyń orynbasarynyń áreketteri boıynsha tergeý aıaqtaldy. Bul qurylym Qazaqstannyń Sport jáne týrızm mınıstrligi janyndaǵy sport isteri komıtetine baǵynady.
Antıkor málimeti boıynsha, atalǵan laýazymdy tulǵalar kásipkerlermen birge sporttyq jabdyq satyp alýǵa bólingen 584 mıllıon teńgeni urlaǵan. Sonymen qatar, olar týroperatorlarmen kelisimsharttar jasap, baǵalardy asyra kórsetken.
Budan bólek, 2021 jyly "Sportty damytý dıreksıasy" respýblıkalyq memlekettik kásiporyn dırektory jeke kompanıanyń basshysy bolyp júrgen kezde, Batys Qazaqstan oblysyndaǵy fýtbol men hokeıdiń damýyna bólingen 161,9 mıllıon teńge búdjet qarajatyn jymqyrǵan.
Antıkor atalǵan tulǵalardyń atyn atamasa da, olardyń esimderin anyqtaý qıyn emes. 2024 jyldyń aqpanynda "Sportty damytý dıreksıasy" respýblıkalyq memlekettik kásiporyn dırektorynyń orynbasary Serjan Jumabekov (2022 jylǵy Azıa oıyndaryna arnalǵan "bir rettik forma" boıynsha qylmystyq is boıynsha ustalǵan) jáne burynǵy dırektor Oralbaı Jaqsymbetov (Batys Qazaqstan oblysynyń sport basqarmasynyń burynǵy basshysy) qamaýǵa alyndy.
Ótken aqpan aıy Qazaqstannyń sport salasyndaǵy jemqorlyqqa qatysty ustalǵandardyń sany boıynsha rekordtyq aı boldy. Sonymen qatar ustalǵandar qatarynda:
▪️ Dastanbek Qospanov — Atyraý oblysynyń sport basqarmasynyń burynǵy basshysy
▪️ Erlan Qojaǵapanov — QR Mádenıet jáne sport mınıstriniń burynǵy orynbasary, Qazaqstan fýtbol federasıasynyń eks-prezıdenti
▪️ Samat Erǵalıev — QR Mádenıet jáne sport mınıstrliginiń sport isteri komıtetiniń burynǵy tóraǵasy