Bul onyń 26-tıtýly
Qazaqstan sportshysy Anna Danılına juptyq synda AQSH-taǵy Landısvılle (Pensılvanıa) ITF W100 týrnıriniń chempıony atandy, dep habarlaıdy Almaty-akshamy.kz.
Qazaqstan tenıs federasıasynan málim etkendeı, jarystyń birinshi raketkalary bolyp tirkelgen A. Danılına amerıkalyq Sofı Changpen birge fınalǵa qınalmaı jetti.
Sońǵy básekede qazaqstandyq-amerıkalyq jup ońtústikkoreıalyqtar Han-Na Lı - Djan-Sý Iongpen bas júldeni sarapqa saldy.
Danılına men Chang qarsylastaryn 2:6, 7:6 (7:4), 11:9 esebimen utty.
Osylaısha, A. Danılına Halyqaralyq tenıs federasıasy (ITF) ótkizgen týrnırlerde 26-tıtýlyna qol jetkizdi. Sonymen qatar, WTA jarystarynda úsh ret (2021 jyly – Poland WTA-250 jáne 2022 jyly – Sydney WTA-500, Warsaw WTA-250) jeńimpaz atanǵan bolatyn.