Almatyda úsh stansany jańǵyrtý júrip jatyr
Energetıka mınıstri Bolat Aqsholaqov elektr energıasy qymbattaýynyń birneshe sebebin atady, dep habarlaıdy Almaty-akshamy.kz QazAqparat-qa silteme jasap.
Mınıstrdiń aıtýynsha, elimizde elektr energıasynyń qymbattaýyna birneshe sebep bar.
«Eń birinshi sebep – birqatar stansalar úshin otyn baǵasynyń ósýi. Taǵy bir sebebi, elektr energıasynyń qunyna stansa qyzmetkerleriniń jalaqysyn 20-30%-ǵa arttyrý engizilgen. Bizde energetıkterdiń jalaqysy tómen. Al, bul kadrlardyń saladan kóptep ketýine ákelip soqtyrdy», - deıdi Bolat Aqsholaqov.
Onyń deregine qaraǵanda, Qazaqstannyń energetıka júıesinde jabdyqtar men jeliler tozǵan.
«Biz osyǵan oraı stansalar men jelilerdegi baǵalaýdy ishinara aıaqtadyq. Stansalar eski bolǵandyqtan, bizde óte aýyr generasıa bar. Jańǵyrtý men jóndeý qajet bolsa, biz muny qolǵa alamyz. Biraq, jańa stansalardy salý qajet. Men 2035 jylǵa deıin elektr energıasyn tutynýdyń boldamyn aıta alamyn. Bul – 150-160 mlrd kVtsaǵ shamasynda. Qazir 114 mlrd kVtsaǵ elektr energıasyn tutynamyz. Eger jańasyn salmaı, eski stansalardy paıdalana bersek, onda 150-160 mlrd kVtsaǵ-tyń 90150-160 mlrd kVtsaǵ-ty ǵana jaba alamyz. Sol sebepten, jańa stansalardan 17,5 mlrd kVtsaǵ elektr energıasyn iske qosýdy josparlap otyrmyz», -dep málim etti Energetıka mınıstri.
Bolat Aqsholaqovtyń aıtýyna qaraǵanda, Qyzylordada elektr stansasyn salý josparlanǵan. Almatydaǵy energıa torabyn, jylý-elektr ortalyǵynda úsh stansany jańǵyrtý júrip jatyr. Budan basqa da nusqalar qarastyrylýda.