Qazaqstan Respýblıkasy Premer-Mınıstriniń orynbasary – Syrtqy ister mınıstri Murat Nurtileý Ulybrıtanıa jáne Soltústik Irlandıa Qurama Koróldiginiń Qazaqstan Respýblıkasyndaǵy Elshisi Ketı Lıchti qabyldady.
Kezdesý barysynda Qazaqstan men Ulybrıtanıa arasyndaǵy saıası, saýda-ekonomıkalyq jáne mádenı-gýmanıtarlyq yntymaqtastyqty damytý múmkindikteri talqylanyp, joǵary deńgeıdegi saparlar men is-sharalar kestesi qarastyryldy, dep habarlaıdy Almaty-akshamy.kz SİM saıtyna silteme jasap.
Ekijaqty yntymaqtastyqtyń sharttyq-quqyqtyq bazasyn keńeıtý máselesine erekshe nazar aýdaryldy. Taraptar, atap aıtqanda, Qazaqstan men Ulybrıtanıa arasyndaǵy Strategıalyq seriktestik jáne yntymaqtastyq týraly kelisimge tezirek qol qoıýdyń mańyzdylyǵyn atap ótti.
Sonymen qatar, taraptar ǵylym jáne bilim salasyndaǵy áriptestiktiń joǵary áleýetine toqtalyp, birlesken jobalardy júzege asyrýǵa ortaq qyzyǵýshylyqty rastady.