Elimizde jyl basynan beri temirjoldy belgilenbegen jerden kesip ótkeni úshin 11 myńnan astam azamat ákimshilik jaýapkershilikke tartyldy.
Osy jyldyń birinshi toqsanynda kóliktegi polısıa departamentiniń qyzmetkerleri belgilenbegen jerden temirjoldy kesip ótkeni úshin 11 417 adamdy anyqtap, ákimshilik jaýapkershilikke tartty. Poıyzdardyń shuǵyl tejelýiniń 517 faktisi tirkeldi, dep habarlaıdy Almaty-akshamy.kz Polisia.kz-ke silteme jasap.
Sondaı-aq osy kezeńde elimiz boıynsha poıyz astyna 24 azamat túsken bolsa, onyń 13-i ólimmen aıaqtaldy, 11-i túrli jaraqat aldy. Máselen, ótken táýlik ishinde eki adam poıyz astyna túsip kete jazdady. Bul faktiler Aqtóbe jáne Túrkistan oblystarynda tirkeldi. Abyroı bolǵanda, barlyq jaǵdaıda poıyz mashınısteri jyljymaly quramdy toqtatýǵa úlgerip, qaıǵyly jaǵdaıdyn aldyn aldy. Joǵaryda kórsetilgen faktiler boıynsha eki quqyq buzýshy belgilenbegen jerlerde temirjol arqyly ótkeni úshin ákimshilik jaýapkershilikke tartyldy. Jazataıym oqıǵalardyń aldyn alý jáne jolyn kesý maqsatynda kólik polıseıleri halyqpen, jolaýshylar poıyzdarynda jáne oqý oryndarynda turaqty negizde profılaktıkalyq sıpattaǵy jumystar júrgizilip jatyr.
Barlyq is-sharada temirjol kóligi obektilerinde bolǵan kezde negizgi qaýipsizdik erejeleri jetkiziledi. Qabyldanyp jatqan sharalardyń nátıjesinde departamentte jyljymaly quramnyń balalardy qaǵyp ketýdiń birde-bir faktisi tirkelgen joq. Kólik polıseıleri azamattarǵa temir jolda muqıat bolý kerektigin eskertedi. Temir joldardy tek arnaıy jabdyqtalǵan oryndardan ótý qajet.