Agroónerkásiptik keshenniń ornyqtylyǵyn saqtap qalý úshin qosymsha 388,2 mlrd teńge bólinetin bolady.
Qazaqstan sharýalaryna ústimizdegi jyly bólinetin sýbsıdıa kólemi týraly Aýyl sharýashylyǵy mınıstri Erbol Qarashókeev Jetisý óńirine kelgende aıtty, dep habarlaıdy Almaty-akshamy.kz.
Mınıstrdiń aıtýynsha, ótken jyldan beri Memleket basshysynyń tapsyrmasyna sáıkes agroónerkásiptik keshendi sýbsıdıalaý tetigin jetildirý jumystary bastaldy.
«Jalpy, osy salany qoldaýǵa bıyl 309 mlrd. teńge sýbsıdıa bólindi, onyń 79,7 mlrd. teńgesi ósimdik sharýashylyǵyna, 100 mlrd. teńgesi mal sharýashylyǵyna, 8,4 mlrd. teńge ónim óńdeýge, 120,4 mlrd. teńge qarjy quraldaryna qarastyrylǵan. Otandyq agroónerkásiptik keshenniń ornyqtylyǵyn saqtap qalý úshin qosymsha 388,2 mlrd teńge bólinetin bolady», - dedi Erbol Qarashókeev.
Sol sıaqty buryn kúshi joıylǵan jumyrtqany sýbsıdıalaý baǵdarlamasy jalǵastyrylady, al jumyrtqa baǵytyndaǵy qus sharýashylyǵynyń barlyq sýbektileri úshin sýbsıdıalaý normatıvteri birdeı bolady jáne 2 eseden joǵarylatylady. Bul maqsatqa 7,5 mlrd teńge bólinedi. Qaraqumyq pen maıly daqyldar qunyn arzandatýǵa qosymsha 5,6 mlrd teńge qarastyrylady.
Mınıstr óz sózinde aldaǵy ýaqytta iri taýarly sút fermalarynyń qurylysyn jáne kókónis qoımalaryn salý men qaıta jańartýdy qarjylandyrýǵa, et baǵytyndaǵy qus fabrıkalaryn salý men jańǵyrtýǵa, jylyjaı sharýashylyqtary jelisin uıymdastyrýǵa, sýarý júıelerin jańǵyrtýǵa, tamshylatyp sýarý tehnologıalary negizinde jemis-kókónis ónimderin tıimdi óndirýdi uıymdastyrýǵa basymdyq beriletinin aıtty.