«Qazaqstan» shahtasyndaǵy apatty tergeý jónindegi komısıa qurylyp, «ArselorMıttal Temirtaý» AQ «Qazaqstan» shahtasyndaǵy apatty tergeýge kiristi. Komısıa músheleri órttiń sebebin jáne tótenshe jaǵdaıdyń mán-jaıyn anyqtaýy tıis, dep habarlaıdy Almaty-akshamy.kz. Azattyq Ruhy-na silteme jasap.
Sondaı-aq shahta bazasynda jedel shtab quryldy. Onyń jumysy Qaraǵandy oblysy ákiminiń birinshi orynbasary Vadım Basınge tapsyryldy.
Bul týraly Shahtınsk qalasyndaǵy óńirlik komýnıkasıalar qyzmetiniń platformasynda uıymdastyrylǵan arnaıy kóshpeli brıfıń barysynda belgili boldy.
TJM ónerkásiptik qaýipsizdik komıtetiniń Qaraǵandy oblysy boıynsha departamentiniń basshysy Keńgirbaı Eseneevtiń aıtýynsha, shahtada sońǵy tekserý jaqynda ǵana júrgizilipti. Buzýshylyqtar anyqtaldy, biraq olar adam ómiri men densaýlyǵyna qaýip tóndirmegen.
Metannyń asyp ketýi de tirkelmepti. Apatty joıý jospary SO boıynsha aıǵaqtarǵa baılanysty engizildi, dep atap ótti «ArselorMıttal Temirtaý» AQ Taý-ken segmenti atqarýshy dırektorynyń orynbasary Sergeı Ogaı.
«Zardap shekken bes adamnyń ekeýi jumys qabilettiligi men ornalasý júıesin tekserýmen aınalysatyn slesarlar boldy. Olar birinshi aýysymda apat bolǵan konveıer betkeıindegi keıbir aqaýlardy joıý jumystaryn atqarýda edi. Apat ornyndaǵy taǵy bir slesar KT ýchaskesinen edi. Eki jumysshy apat ýchaskesiniń janynda boldy», – dedi Sergeı Ogaı.
Búgingi tańda 11 adam aýrýhanada jatyr. Toǵyz adam Qaraǵandyda jáne 2 adam Shahtınskide.
Qaza tapqan jáne zardap shekken kenshilerdiń otbasylaryna jan-jaqty kómek kórsetiledi, dep sendirdi Vadım Basın.
«Qaza tapqandardyń týystary men jaqyndaryna kóńil aıtamyz. Barlyq qajetti kómek kompanıa tarapynan da, memleket tarapynan da ýaqtyly jáne tolyq kólemde kórsetiletin bolady. Eshkim nazarsyz qalmaıdy. Barlyǵymyzdyń qabyrǵamyz qaıysyp, qaıǵyryp otyrmyz», – dedi Vadım Basın.