Gúlmıra Dáýletova Qazaqstan shahmat federasıasynyń jańa atqarýshy dırektory bolyp taǵaıyndaldy.
Gúlmıra Dáýletova áıelder arasynda halyqaralyq grosmeıster ataǵy bar, Qazaqstannyń birneshe dúrkin chempıony, Dúnıejúzilik shahmat olımpıadasynyń qola júldegeri. Onyń jetistikteriniń qorjynynda Azıa chempıonatyndaǵy altyn medal bar, dep hbarlaıdy Almaty-akshamy.kz.
Osy jyldar ishinde Qazaqstan shahmat federasıasynda týrnır dırektory jáne atqarýshy dırektordyń orynbasary qyzmetterin atqardy.
Gúlmıra sporttyq mansabynda shahmatty damytý salasynda kóptegen memlekettik jáne halyqaralyq FIDE (Halyqaralyq shahmat federasıasy) marapattarymen marapattalǵan, Azıa shahmat federasıasynyń áıelder komısıasynyń tóraǵasy.
Gúlmıra - búginde mektepte oqıtyn 2-4 synyptarǵa arnalǵan «Shahmat» ádistemelik quraldyń avtory, muǵalimder men balalardy oqytýǵa arnalǵan onlaın platforma kýrsynyń ázirleýshisi.