Ol bizdiń kásipkerler men IT mamandardyń startaptaryn halyqaralyq naryqta ilgeriletýge múmkindik beredi.
Tıisti qujatqa Er-Rıadta qol qoıyldy. Onda úkimetaralyq komısıanyń 6-shy otyrysy ótti. Jıynda mınıstrlikterdiń ókilderi men eki eldiń bıznesmenderi birlesken jobalardy pysyqtady. Eki jaqtyń úkimetaralyq 6-shy otyrysy Qasym-Jomart Toqaevtyń Saýd Arabıasyna byltyr jasaǵan resmı saparynyń jalǵasy ispettes. Memleket basshysy osy elmen ózara ınvestısıalyq jáne saýda yntymaqtastyǵy týraly kelisim ornatqan edi. Al bıylǵy otyrys sol bitimgershiliktiń nátıjesi deýge bolady, dep habarlaıdy almaty-akshamy.kz 24.kz-ke silteme jasap.
Murat Nurtileý, QR Premer-mınıstriniń orynbasary – Syrtqy ister mınıstri: - Qazaqstan Úkimeti Saýd Arabıasymen yntymaqtastyqty jáne aradaǵy dostyq qarym-qatynasty joǵary baǵalaıdy. Saýd Arabıasy – halyqaralyq arenada bizdiń jaqyn seriktesterimizdiń biri. Sońǵy 3 onjyldyqta eki jaq dıplomatıalyq qatynastardy damytýdyń jańa deńgeıine qol jetkizip otyr. Ásirese ınvestısıa, ekonomıka, energetıka, agromádenıet, kólik jáne IT salalaryn naqty aıta alamyz.
Qazaqstannyń Damý Banki men Saýd Arabıasynyń eksporttyq-ımporttyq banki arasyndaǵy ózara túsinistik týraly memorandýmyna qol qoıyldy. Osylaısha, elimiz Saýd Arabıasynda ınovasıalyq hab ashýǵa múmkindik aldy. Ol keler jyldyń basynan bizdiń kásipkerlerdiń startap-jobalaryn álemdik naryqtarǵa shyǵýyna múmkindik bermek. Al hab qurýda «Arab kásipkerlik ortalyǵy» seriktes bolady.
Qanysh Tóleýshın, QR Sıfrlyq damý, ınovasıalar jáne aeroǵarysh ónerkásibi birinshi vıse-mınıstri: - Bizde osy jobaǵa ınvestısıa quıýdy sheshken jeke sektor bar. Osyǵan uqsas hab Kremnıı alqabynda da ashylady. Ol jaqta qazir 24 startap joba jumys istep tur. Jalpy biz saýdıalyq tarapty birlesip tájirıbe almasýǵa shaqyramyz. Aımaqaralyq tehnologıalyq ekojúıeni qurý boıynsha qadamdar jasaıtyn ınovasıalyq ortalyq qurýda kúsh biriktýimiz qajet dep esepteımin.
Otyrys aıasynda Qazaqstannyń jasyl energetıka salasyna ınvestısıa tartý týraly da kelisim jasaldy. Saýdıalyqtar arnaıy jobaǵa 10 mıllıard dollarǵa jýyq qarjy salýǵa daıyn. «Akva Paýer» kompanıasy elimizde jel elektr stansıalaryn salady.
Tomas Brostrom, «ACWA Power» ınvestısıa boıynsha dırektory: - Qazir jel energetıkasy ǵana emes, sýtegi energetıkasy boıynsha 5 túrli jobany qarastyryp jatyrmyz. Eger bári oıdaǵydaı júzege assa, 10 mıllıard dollarǵa jýyq ınvestısıa salý josparda bar. Osylaısha, Qazaqstan kqptegen paıdaly qazba men tabıǵı resýrsqa qol jetkize alady. Bizdiń naqty maqsatymyz – birneshe jel elektr stansıasyn salyp berý.
Ahmed Ál Dahıl, Qazaqstan men Saýd Arabıasy birlesken kásipkerler keńesiniń teń tóraǵasy: - Qazaqstanmen birlesken jobalar kóp. Jyl saıyn olardyń sany artyp keledi. Aradaǵy túsinistik pen seriktestigimiz odan ári arta túsedi degen senimdemiz. Sondaı-aq aldaǵy ýaqytta eki el kásipkerleriniń ózara jumysy jaqsy nátıje beredi dep oılaımyz.
Saýd Arabıasy – Qazaqstannyń senimdi seriktesi. Sondyqtan otyrysta qabyldanǵan sheshimder esh kúmán týdyrmasy anyq. Al qol qoıylǵan birqatar qujat – halyqaralyq sarapshylardyń sózinshe, eki el arasyndaǵy yntymaqtastyqty arttyrýdyń taǵy bir joly.
Istochnık: https://24.kz/kz/zha-aly-tar/sayasat/item/631851-aza-stan-saud-arabiyasynda-innovatsiyaly-khab-ashady
Qoldanylǵan materıaldarǵa mindetti túrde www. saıtyna gıpersilteme berilýi tıis