Prezıdent 2024 jylǵy 26 qyrkúıekte Qazaqstan Respýblıkasy Prezıdentiniń "Arhıvi" respýblıkalyq memlekettik mekemesin kóshirý týraly jarlyqqa qol qoıdy.
Jarlyqta bylaı delingen:
Qazaqstan Respýblıkasynyń Úkimetine Almaty qalasynan Astana qalasyna "Qazaqstan Respýblıkasy Prezıdentiniń Arhıvin" kóshirýdi 2025 jylǵy 1 naýryzǵa deıin qamtamasyz etý tapsyryldy.
Vedomstvo jańa mekenjaı boıynsha ornalasady: Astana qalasy, Esil aýdany, Máńgilik El dańǵyly, 15-úı.
2025 jylǵy 1 qańtardan bastap Arhıvtiń shtat sany 108-den 168 adamǵa deıin ulǵaıtylatyn bolady.
Sonymen qatar, 2025 jylǵy 1 naýryzdan bastap mekeme dırektory Prezıdent Ákimshiliginiń basshysy men Prezıdent Keńsesi basshysynyń kelisimi boıynsha óz orynbasarlaryn jáne mekeme fılıaldarynyń basshylaryn, sondaı-aq qurylymdyq bólimshe basshylaryn taǵaıyndap, qyzmetten bosatady.
Jarlyq 26 qyrkúıekten bastap kúshine endi, jekelegen normalar 2025 jylǵy 1 qańtar men 1 naýryzdan bastap engiziledi.