Osydan 33 jyl buryn, 1991 jylǵy 2 qazanda Qazaqstan tarıhynda ǵaryshqa alǵash qadam jasaldy. Ǵaryshker Toqtar Áýbákirov Baıqońyr ǵarysh aılaǵynan «Soıýz TM-13» ǵarysh kemesinde ushty. Ekıpaj quramynda ol «Mır» orbıtalyq stansıasynda bir apta boldy jáne 10 qazanda jerge oraldy, dep habarlaıdy aqshamnews.kz.
Osy ýaqyt aralyǵynda ol bes ǵylymı eksperıment júrgizdi.
Ushý kezinde Aral teńiziniń qumdy daýyldaryn túsirý jáne medısınalyq-bıologıalyq zertteýler júrgizildi. Arnaıy azyq-túlik jáne ǵaryshtyq bıotehnologıa muqıat baqylaýdan ótti. Mıkrogravıtasıadaǵy metal balqymalarynyń áreketi zertteldi. Jerge oralǵan soń, jınalǵan barlyq úlgiler ǵalymdar tarapynan muqıat zerttedi.
Toqtar Áýbákirovtiń ushýy qazaqstandyq ǵarysh ǵylymy men tehnologıalaryn damytýdyń sheshýshi sáti boldy. Qazaq ultynyń tuńǵysh ǵaryshkeri retinde onyń jetistikteri Jerdi ǵaryshtan zertteýde jáne Qazaqstanda ǵarysh tehnologıalaryn ázirleýde jańa dáýirdiń bastalýyn bildiredi.
Áýbákirov Toqtar Ońǵarbaıuly — tehnıka ǵylymdarynyń doktory, profesor, KSRO-nyń 72-shi ǵaryshkeri, KSRO-nyń eńbek sińirgen synaýshy ushqyshy, Qazaqstan Respýblıkasynyń eńbek sińirgen sport sheberi. Qazaqstan áýe kúshteriniń General-maıory. Qazaqstannyń Halyq Qaharmany, Keńes Odaǵynyń Batyry.