"Báıterek" keshenin qurýǵa 46,7 mlrd teńge bólinedi.
Qazaqstan Reseımen birlesken ǵarysh jobasyna 46 mlrd teńgeden astam qarjy bólýdi josparlap otyr, dep habarlaıdy Almaty-akshamy.kz LS silteme jasap.
Sıfrlyq damý mınıstrliginiń búdjettik baǵdarlamasyna sáıkes, 2023 jyly pılotsyz apparattardy ushyrý úshin jańa býyn orta klasty ǵaryshtyq maqsattaǵy zymyran bazasynda "Báıterek" keshenin qurýǵa 46,7 mlrd teńge bólinedi.
Atalǵan keshen esebinen "Baıqońyr" ǵarysh aılaǵynyń belsendiligi saqtalady, 500 jańa jumys orny qurylyp, al Qazaqstan ushyrý qyzmetteri naryǵyna shyǵady dep kútilýde.
2022 jyly qarjylandyrý kólemi 14,4 mlrd teńgeni, 2021 jyly – 14,1 mlrd teńgeni, 2020 jyly – 93,1 mln teńgeni qurady.
Mınıstrlikte shyǵyndardyń qoldanystaǵy "Zenıt-M" ǵaryshtyq zymyran keshenin jańǵyrtýǵa baǵyttalǵanyn naqtylady. Óz kezeginde Reseı tarapy "Soıýz-5" orta klasty jańa zymyran tasyǵyshty jasaýmen aınalysady.
Sıfrlyq damý mınıstrliginiń málimetinshe, jańa zymyran, "Soıýz-2" zymyran tasyǵysh sıaqty kerosın (naftıl) jáne suıyq ottegi sıaqty ekologıalyq taza otyn komponentterin paıdalanady. Bul rette janarmaı (kerosın RG-1) Reseı tarapymen zymyran tasyǵyshty iske qosý sheńberinde jeke shart boıynsha jetkiziledi. Suıyq ottegi ǵarysh aılaǵynyń ottegi-azot zaýytynda qorshaǵan atmosferadan ónim alý arqyly óndiriledi.
Esterińizge sala keteıik, buǵan deıin mınıstrlikte "Báıterekti" iske qosý merzimi 2024 jylǵa aýystyrylǵanyn habarlaǵan bolatyn.