Ortalyqtyń menshik jáne paıdalaný quqyǵy TJM-ne tıesili bolady.
Qazaqstan Seısmologıa ınstıtýty men Seısmologıalyq tájirıbe-ádistemelik ekspedısıasy qaıta qurylyp, Ulttyq ǵylymı ortalyqqa biriktiriledi, dep habarlaıdy Almaty-akshamy.kz.
Bul týraly Úkimet qaýlysynda aıtylǵan.
«Seısmologıa ınstıtýty» JSHS jáne «Seısmologıalyq tájirıbe-ádistemelik ekspedısıasy» zańnamada belgilengen tártippen «Seısmologıalyq baqylaýlar jáne zertteýler ulttyq ǵylymı ortalyǵy» JSHS-na biriktirý jolymen onyń jarǵylyq kapıtalyna memlekettiń 100 paıyz qatysýy arqyly qaıta qurylsyn», - delingen qaýlyda.
Ortalyq qyzmetiniń negizgi baǵyttary seısmıkalyq qaýipti baǵalaý, kúshti jer silkinisterin ǵylymı boljaý, iri eldi mekender men strategıalyq nysandardaǵy seısmıkalyq qaýipti baǵalaý, sondaı-aq Qazaqstannyń seısmıkalyq qaýipti aımaqtarynda keshendi seısmologıalyq monıtorıń júrgizý bolady.
Qarjy mınıstrliginiń Memlekettik múlik jáne jekeshelendirý komıtetine Tótenshe jaǵdaılar mınıstrligimen birlesip, ortalyqtyń jarǵylyq kapıtalyn qaıta qurylǵan ınstıtýt pen ekspedısıa múlkiniń quny esebinen qalyptastyrý tapsyryldy.