Bizdiń el bıyl Qytaıǵa et eksporttaýdy bastaıdy, dep habarlaıdy Almaty-akshamy.kz «Habar 24» silteme jasap.
Kórshi elmen kelissóz júrip jatyr. Bul týraly Aýyl sharýashylyǵy mınıstriniń orynbasary Erbol Tasjúrekov málimdedi. Batysqazaqstandyq sharýalarmen kezdesýde osy saladaǵy óńir úshin ózekti máseleler talqyǵa tústi. Mundaǵy sharýalar kıikten kelgen shyǵyndy óteý, sol úshin esepteý ádistemesin bekitý jáne shetelge satylǵan kúnbaǵystyń ár tonnasyna salynatyn 100 eýro baj alymyn joıýdy suraıdy.
Jalpy Oral óńiri – eń maldy aımaqtyń biri. Sondyqtan óńir sharýalaryn qyzyqtyrǵan basty máseleniń biri – et ótkizý jaıy.
Erbol Tasjúrekov, QR Aýyl sharýashylyǵy mınıstriniń orynbasary:
- Et ónimderin shyǵarý boıynsha birqatar jumys jasaldy. Mana aıtyp kettim túsindirip. Ásirese myna Qytaı elimen úlken kelissózder júrgizip jatyr, etti osy Qytaıǵa eksporttaýǵa. Bir ǵana Qytaıdyń SHUAR provınsıasy jylyna 20 mln tonna et ımporttaıdy eken. Soǵan barsha múmkinshiligimiz bar. 3 provınsıamen jaqynda kelissózder ótti. Sonyń báriniń nátıjesinde eń basty suraq – Qytaı naryǵyn bizge ashý, aýylsharýashylyq ónimderin Qytaıǵa eksporttaý máselesi.