Sý «Dostyq» memleketaralyq kanalynyń qazaqstandyq bóliginen alynǵan.
Ekologıa, geologıa jáne tabıǵı resýrstar mınıstrliginiń Sý resýrstary komıteti «Qazaqstan Respýblıkasy úkimetiniń rezervinen qarajat bólý týraly» qaýly jobasyn ázirledi, dep habarlaıdy Almaty-akshamy.kz
Qujatta jazylǵandaı, Qazaqstan Respýblıkasy Ekologıa, geologıa jáne tabıǵı resýrstar mınıstrligine 2022 jylǵa arnalǵan respýblıkalyq búdjette kózdelgen Qazaqstan Respýblıkasy úkimetiniń shuǵyl shyǵyndarǵa arnalǵan rezervinen 2022 jylǵy maýsym, shilde jáne tamyz aılarynda «Dostyq» memleketaralyq kanalynyń qazaqstandyq bóliginen Túrkistan oblysynyń Jetisaı jáne Maqtaaral aýdandarynyń aýyl sharýashylyǵy taýarlaryn óndirýshilerine berilgen sý úshin 608 mıllıon 132 myń 980 kılovatt-saǵat kóleminde Qyrǵyz Respýblıkasymen elektr energıasynyń taýar aınalymy boıynsha kórsetilgen qyzmetterge aqy tóleý úshin 1 mlrd 536 mln 619 myń somasynda qarajat bóledi.
Qaýlyda bul shara sýarmaly jerlerdi sýarmaly sýmen ýaqytyly qamtamasyz etýge, Túrkistan oblysy Jetisaı jáne Maqtaaral aýdandarynyń aýyl sharýashylyǵy taýar óndirýshileriniń ónimin saqtaýdy, básekege qabilettiligin arttyrýdy jáne óńirde áleýmettik shıelenistiń týyndamaýyn qamtamasyz etýge múmkindik beretini de jazylǵan.
Qujat 3 qarashaǵa deıin qoǵam bolyp talqylaý úshin Ashyq NQA saıtynda jarıalandy.