14 jastaǵy Albına Kakenova sary qurlyq tiziminde kósh bastady.
Azıa tenıs federasıasy 14 jasqa deıingi oıynshylardyń reıtıńin jańartty, dep habarlaıdy Almaty-akshamy.kz Almaty.tv silteme jasap.
14 jastaǵy Albına Kakenova sary qurlyq tiziminde kósh bastady. Qazaq tenısshisiniń enshisinde 2722 upaı bar. Azıanyń eń úzdik ondyǵynda Eva Korysheva úshinshi, Arıana Gogýlına altynshy, Satıma Tóregen jetinshi jáne Iana Shtoda onynshy oryndarǵa ornalasty. Osylaısha, 14 jasqa deıingi qyzdar arasyndaǵy Azıa reıtıńiniń TOP-10 qataryna Qazaqstannyń bes oıynshysy kirdi.
Osy reıtıń jarıalanbas buryn Qazaqstannyń jasósipirimder komandasy 14 jasqa deıingi Azıa chempıonatyn jeńip alǵan bolatyn.
Tenısten Taılandta 14 jasqa deıingi oıynshylar arasynda ótken Azıa chempıonatynda jekeleı synda altyn júldeni Arıana Gogýlına men Albına Kakenova ıelendi.
Komandalyq esepte kapıtan Vladımır Chestnov bastaǵan Qazaqstan quramasy tamasha nátıje kórsetip, birinshi orynǵa ıe boldy. Albına Kakenova (jattyqtyrýshysy – Marat Sharıpov), Arıana Gogýlına (jattyqtyrýshysy – Mýkam Ermakov), Arsenıı Trebýhın (jattyqtyrýshysy - Rýslan Abdýlatypov), Oljas Esenaly (jattyqtyrýshysy - Vladımır Chestnov) komandaǵa jeńis alyp keldi.